ភ្នំពេញ ៖ នាយឧត្តមសេនីយ៍ អភិសន្តិបណ្ឌិត ស សុខា ឧបនាយករដ្ឋ រដ្ឋមន្រ្តីក្រសួងមហាផ្ទៃ បានចែករំលែកព័ត៌មានសំខាន់ៗ អំពីសភាពការណ៍នៅក្នុងប្រទេសថៃ ដែលពេលនេះ បាននិងកំពុងមានភាពរញ៉េរញ៉ៃ និងកំពុងព្យាយាមបង្វែរសភាពការណ៍ដ៏ស្មុគស្មាញនៅផ្ទៃក្នុងប្រទេសរបស់ខ្លួន មកបង្កើតជាព្រឹត្តិការណ៍នាំឱ្យមានការប្រឈមមុខដាក់គ្នាតាមខ្សែបន្ទាត់ព្រំដែនជាមួយកម្ពុជា។ ក្នុងពេលចុះសួរសុខទុក្ខនគរបាលការពារ ព្រំដែន នៅតំបន់មុំបី នាព្រឹកថ្ងៃ១១ មិថុនា រដ្ឋមន្រ្តីមហាផ្ទៃ បានលើកឡើងថា ក្នុងស្ថានភាពប្រែប្រួលគ្រប់ ពេលវេលា របស់ភាគីថៃនេះ គឺថៃកំពុងបង្កើតជាព្រឹត្តិការណ៍ នាំឲ្យមានការប្រឈមមុខដាក់គ្នា តាមខ្សែបន្ទាត់ព្រំដែនជាមួយកម្ពុជា។ នាយឧត្តមសេនីយ៍ អភិសន្តិបណ្ឌិត បានដាក់បទបញ្ជាផ្ទាល់ដល់ថ្នាក់ដឹកនាំ និងកម្លាំងនគរបាលការពារព្រំដែនទាំងអស់ បន្តបង្កើនការប្រុងប្រយ័ត្នគ្រប់ពេលវេលា និងត្រៀមលក្ខណៈឆ្លើយតបប្រកបដោយភាពម៉ឺងម៉ាត់ តាមបទបញ្ជាដ៏ខ្ពង់ខ្ពស់របស់ថ្នាក់ដឹកនាំ។ ទោះបីជាអាកាសធាតុនៅតំបន់មុំបី មានភ្លៀងរលឹមឥតដាច់ ទាំងយប់ ទាំងថ្ងៃ និងទាំងក្នុងឱកាសនៃការប្រារព្ធពិធីសំណេះសំណាល ប៉ុន្តែកម្លាំងនគរបាលការពារព្រំដែន ដែលចូលរួមនាឱកាសនោះ បានទទួលនូវថាមពលផ្លូវចិត្តប្រកបដោយភាពកក់ក្ដៅ និងស្មារតីកាន់តែអង់អាចក្លាហាន។ ក្នុងបរិយាកាសប្រកបដោយភាពជឿជាក់ និងមោទនភាពនោះដែរ នាយឧត្តមសេនីយ៍ អភិសន្តិបណ្ឌិត ស សុខា ក៏ប្រកាសពីជំនួយគាំទ្រដែលនាំមកជូននាឱកាសនេះ ក្នុងនោះក៏រួមទាំងជំនួយពីសម្ដេចក្រឡាហោម ស ខេង អតីតឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ … Continue reading បណ្ឌិត ស សុខា ៖ ថៃកំពុងរញ៉េរញ៉ៃ និងព្យាយាមបង្កើតជាព្រឹត្តិការណ៍ នាំឲ្យមានការប្រឈមមុខ ដាក់គ្នាតាមព្រំដែន