ភ្នំពេញ ៖ តំណាងក្រុមហ៊ុនបារាំងធំៗប្រមាណជា៣០ បានអញ្ជើញមកដល់ប្រទេសកម្ពុជាដើម្បីស្វែងយល់អំពីឱកាសវិនិយោគថ្មីៗ ក៏ដូចជាពង្រឹងភាពជាដៃគូផ្នែកសេដ្ឋកិច្ចរវាងប្រទេសទាំងពីរ ។ នេះបើយោងតាមផេកស្ថានទូតបារាំងប្រចាំកម្ពុជា នាថ្ងៃ១២ កញ្ញា ។ គណៈប្រតិភូដឹកនាំដោយលោក អូលីវ្យេ រីឆា ឯកអគ្គរដ្ឋទូតបារាំងប្រចាំកម្ពុជា លោកស្រី Sidos-Vicat ប្រធានក្រុមប្រឹក្សាពាណិជ្ជកម្មនៅបរទេស(CCEF) និងជាសហប្រធានគណៈកម្មាធិការអឺរុប និងសហព័ន្ធនិយោជកបារាំងអន្តរជាតិ(MEDEF) និងលោក ហ្វ្រងស៊័រ ក័របាំង អនុប្រធានសហព័ន្ធនិយោជកបារំាង អន្តរជាតិ និងជាតំណាងពិសេសរបស់លោករដ្ឋមន្ត្រីអឺរ៉ុប និងការបរទេសបារាំង​ សម្រាប់ទំនាក់ទំនង សេដ្ឋកិច្ចជាមួយអាស៊ាន។ គណៈប្រតិភូត្រូវបានទទួលស្វាគមន៍ដោយលោក កែវ រតនៈ រដ្ឋមន្ត្រីក្រសួងរ៉ែ និងថាមពល លោកបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងលោក រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ដើម្បីពិភាក្សាផ្លាស់ប្តូរយោបល់ស្តីពីចក្ខុវិស័យនៃកិច្ចសហប្រតិបត្តិការ និងកិច្ចសន្យានានានៅក្នុងវិស័យសំខាន់ៗ ដែលក្រុមហ៊ុនបារាំងមានចំណេះ និងជំនាញ ។ ចំពោះការទទួលទានអាហារ ថ្ងៃត្រង់មួយ ក៏ត្រូវបានរៀបចំឡើងផងដែរ ដោយមានការចូលរួមពីតំណាងក្រុមហ៊ុនកម្ពុជាធំៗ … Continue reading ក្រុមហ៊ុនបារាំង៣០ មកដល់កម្ពុជា ដើម្បីស្វែងរកឱកាសវិនិយោគថ្មីៗ