ភ្នំពេញ៖ លោក កែវ រ៉េមី ប្រធានគណកម្មាធិការសិទ្ធិមនុស្សកម្ពុជា បានបោះពាក្យធ្ងន់ៗ ទៅកាន់លោក អានុទីន នាយករដ្ឋមន្រ្តីថៃ បន្ទាប់ពីនាយករដ្ឋមន្រ្តីថៃរូបនេះ បានប្រកាសកោតសរសើរ និងគោរពទង្វើដ៏ថោកទាប របស់បុគ្គល Palang ដែលបានចាក់សំឡេងខ្មោច និងឆ្កែលូ បំផិតបំភ័យពលរដ្ឋខ្មែរ នៅភូមព្រៃចាន់និងជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ នៅលើបណ្ដាញសង្គមហ្វេសប៊ុក នៅព្រឹកថ្ងៃទី១៣ ខែតុលា ឆ្នាំ២០២៥ លោក កែវ រ៉េមី បានលើកឡើងយ៉ាងដូចច្នេះថា « នាយករដ្ឋមន្ត្រីថៃសរសើរ និងគោរពទង្វើ របស់អាមួយដឹកអាចម៍ ដែលបានប្រើសំឡេងខ្មោចលង រំខានប្រជាជនខ្មែរ មិនឲ្យដេក ។ ហួសចិត្តនាយករដ្ឋមន្រ្តី នៃប្រទេសមួយគាំទ្រទង្វើអសីលធម៌ ខ្វះការយល់ដឹងមិនស្គាល់ច្បាប់ទម្លាប់។ខ្មែរយើងធ្លាប់និយាយថា: បើចង់មើលសន្តានមនុស្សណាម្នាក់ ដែលយើងមិនទាន់ស្គាល់វា យើងអាចមើលមនុស្ស ដែលវាសេពគប់ ហើយក៏មានពាក្យមួយទៀតថា: នាងរត់រកអ្នក………..។ យើងអាចធ្វើការសន្និដ្ឋានបានថា: នាយករដ្ឋមន្ត្រីមួយនេះ ជានាយករដ្ឋមន្ត្រីកន្ថោរ ពីព្រោះមានតែកន្ថោរទេ ដែលទទួលស្វាគមន៍អាចម៍»៕