កង់បេរ៉ា៖​ រដ្ឋាភិបាលអូស្ត្រាលី បានជំរុញឱ្យក្រុមគ្រួសារអ្នកការទូត នៅមជ្ឈិមបូព៌ាជម្លៀស ចេញដោយសារតែស្ថានភាពសន្តិសុខ​ ដែលមិនអាចទាយទុកជាមុនបាន។ នៅក្នុងព័ត៌មានថ្មីៗដែលបានបង្ហោះ តាមរយៈសេវាកម្ម Smartraveller របស់ខ្លួន ក្រសួងការបរទេស និងពាណិជ្ជកម្ម (DFAT) បានចុះផ្សាយថា រដ្ឋាភិបាលបានដឹកនាំការចាកចេញរបស់អ្នក​ ដែលស្ថិតនៅក្រោមបន្ទុករបស់មន្ត្រីអូស្ត្រាលី​ ដែលប្រចាំការនៅអ៊ីស្រាអែល និងលីបង់។ ប្រភពបានឧ្យដឹងថា ជនជាតិអូស្ត្រាលី នៅអ៊ីស្រាអែល និងលីបង់​ គួរតែពិចារណាចាកចេញ ខណៈពេលដែលជម្រើស ពាណិជ្ជកម្មនៅតែមាន។ ដោយឡែកពីគ្នា DFAT បានឧ្យដឹងថា រដ្ឋាភិបាលបានផ្តល់ការចាកចេញ ដោយស្ម័គ្រចិត្តដល់អ្នក ដែលស្ថិតនៅក្រោម បន្ទុករបស់អ្នកការទូត​ ដែលប្រចាំការនៅហ្ស៊កដានី កាតា និងអារ៉ាប់រួម។ ការព្រមានទាំងនេះត្រូវបានចេញ ក្នុងអំឡុងពេលដាក់ពង្រាយកង កម្លាំងយោធាអាមេរិក ដ៏សំខាន់នៅមជ្ឈិមបូព៌ាមុនពេលកិច្ចចរចា នុយក្លេអ៊ែរជាមួយអ៊ីរ៉ង់៕ប្រែសម្រួល​ ឈូក​ បូរ៉ា