ភ្នំពេញ ៖ សម្តេចមហាធិបតី ហ៊ុន ម៉ាណែត នាយករដ្ឋមន្រ្តីកម្ពុជា មានប្រសាសន៍ថា តំបន់ភ្នំ១០០៥ ជាបុប្ផាលាក់ខ្លួន ត្រង់ចំណុចផ្លូវអន្ទង់អាំងប្រមាណជា៤គីឡូម៉ែត្រ គឺមិនអនុញ្ញាតឱ្យក្រុមហ៊ុនឯកជនវិនិយោគឡើយ ដោយត្រូវទុកជាសម្បត្តិសាធារណៈ ជាសម្បត្តិរួម។ ក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ១០ នៅព្រឹកថ្ងៃទី១ ខែតុលា ឆ្នាំ២០២៦ សម្តេចធិបតី មានប្រសាសន៍ថាភ្នំ១០០៥គឺជាបុប្ផាលាក់ខ្លួន ជាផ្លូវអន្ទង់អាំងបែបនេះ គឺកម្រមានណាស់។ ដូច្នេះសម្តេចធិបតី ពីក្នុងវេទិកាដាក់ឱ្យប្រើប្រាស់ជាផ្លូវការផ្លូវជាតិលេខ១០បានប្រកាសជាដាច់ខាតថា តំបន់ភ្នំ១០០៥ នៅចំណុចផ្លូវអន្ទង់អាំង នឹងមិនអនុញ្ញាតឱ្យក្រុមហ៊ុនឯកជនវិនិយោគឡើយ ទុកជាសម្បត្តិសាធារណៈ ជាសម្បត្តិរួម ។ សម្តេចធិបតី បានប្រកាសថា គ្មានអ្នកណាជាម្ចាស់កម្មសិទ្ធិលើដីធ្លីនៅគម្រោងភ្នំ១០០៥ នោះទេ គឺជាសម្បត្ដិរបស់រដ្ឋ ដែលបម្រើផលប្រយោជន៍រួម និងប្រែក្លាយជាតំបន់បុប្ផាលាក់ខ្លួនសម្រាប់ឱ្យប្រជាពលរដ្ឋមកពីគ្រប់ទិសទីមកលេងកម្សាន្ដ ។ សម្តេចធិបតីបញ្ជាក់ថា “ក្រុមហ៊ុនវិនិយោគ៤-៥ហ្នឹងដូចគ្នា គឺគាត់ចេញពីហ្នឹងមិនតែឱ្យប្រជាជនចេញពីហ្នឹងទេ អ្នកវិនិយោគក៏រំកិលចេញ ទៅក្រៅពីហ្នឹងតិចទៅ ប៉ះប៉ូវឱ្យគាត់វិញ ដើម្បីយើងជោគជ័យ ព្រោះកន្លែងហ្នឹង ក៏ត្រូវការវិនិយោគដែរ ប៉ុន្តែផ្លូវហ្នឹងរាប់រយគីឡូ សុំតែ៤គីឡូហ្នឹង ហើយ៤គីឡូហ្នឹងយកមកធ្វើអី ៤គីឡូហ្នឹងយកមករៀបចំឱ្យបានល្អ ដាំដើមឈឺឡើងវិញ ហើយរៀបចំហេដ្ឋារចនាសម្ព័ន្ធ​ ទទួលទេសចរណ៍ ដើម្បីបម្រើសហគមន៍ និងបម្រើខេត្តពោធិ៍សាត់ឱ្យក្លាយជាបុប្ផាលាក់ខ្លួន”។ … Continue reading សម្តេចធិបតី ៖ ចំណុចអន្ទង់អាំង៤គីឡូម៉ែត្រ មិនអនុញ្ញាតឱ្យក្រុមហ៊ុន ឯកជនវិនិយោគ