បរទេស ៖ យោងតាមការចេញផ្សាយ របស់ទីភ្នាក់ងារចិនស៊ិនហួ នៅថ្ងៃនេះបានឲ្យដឹងថា ក្រុមពលរដ្ឋមកពីខេត្ត Hiroshima និងខេត្ត Yamaguchi របស់ប្រទេសជប៉ុនកាលពីថ្ងៃចន្ទ បានដាក់ញត្តិអំពាវនាវឱ្យរដ្ឋាភិបាលជប៉ុន ជំរុញឱ្យយោធាសហរដ្ឋអាមេរិក ដកប្រព័ន្ធមីស៊ីលរយៈចម្ងាយមធ្យម Typhon របស់ខ្លួន ដែលបានដាក់ពង្រាយនៅក្នុងខេត្ត Iwakuni ខេត្ត Yamaguchi ។ ក្រុម​ប្រជាពលរដ្ឋទាំង​នោះ​ បាន​សម្តែង​ការ​ព្រួយ​បារម្ភ​ថា ការ​ដាក់​ពង្រាយ​បណ្តោះ​អាសន្ន​ ក្រោម​ការ​បង្ហាញ​ថា​សមយុទ្ធ​រួម​អាច​ក្លាយ​ជា​ដំណើរទៅជាអចិន្ត្រៃយ៍។ កងកម្លាំងស្វ័យការពារ របស់ប្រទេសជប៉ុន និងយោធាសហរដ្ឋអាមេរិក បានធ្វើសមយុទ្ធរួមគ្នា ទ្រង់ទ្រាយធំ ចាប់ពីថ្ងៃទី១១ដល់ថ្ងៃទី២៥ ខែកញ្ញា នៅទូទាំងកោះ Kyushu របស់ប្រទេស ជប៉ុន និងតំបន់ផ្សេងទៀត ក្នុងអំឡុងពេលដែលយោធា សហរដ្ឋអាមេរិក បានដាក់ពង្រាយប្រព័ន្ធ Typhon នៅក្នុងប្រទេសជប៉ុនជាលើកដំបូងផងដែរ។ ញត្តិដែលបានដាក់ជូនការិយាល័យ ការពារជាតិ នៃក្រសួងការពារជាតិជប៉ុន បានព្រមានថា ការដាក់ពង្រាយប្រព័ន្ធ Typhon នឹងបង្កភាពចលាចលដល់ប្រទេសជិតខាង ហើយទាមទារឱ្យ មានការដកចេញជាបន្ទាន់ ខណៈដែលប្រឆាំងនឹងការដាក់ ពង្រាយឡើងវិញនាពេលអនាគត៕ ប្រែសម្រួល៖ស៊ុនលី