បរទេស៖ យោងតាមការចេញផ្សាយរបស់ RT ប្រធានាធិបតីអាមេរិកលោក Donald Trump បានព្រមានថាគាត់អាចត្រូវបានធ្វើឃាតដោយអ៊ីរ៉ង់ ដោយអះអាងថាទីក្រុងតេហរ៉ង់បានចាត់ទុកគាត់ថា ជាគោលដៅលេខមួយរួចទៅះហើយ ។ ការអត្ថាធិប្បាយរបស់គាត់បានកើតឡើង នៅពេលដែលបទឈប់បាញ់គ្នារវាងទីក្រុងវ៉ាស៊ីនតោន និងទីក្រុងតេហរ៉ង់បានដួលរលំជាមួយនឹងការប្រយុទ្ធគ្នាបានផ្ទុះឡើងជាថ្មី នៅជុំវិញច្រកសមុទ្រ Hormuz ។ លោក Trump បានធ្វើការកត់សម្គាល់នៅក្នុងកិច្ចប្រជុំកំពូល របស់អង្គការណាតូក្នុងទីក្រុងអង់ការ៉ាកាលពីថ្ងៃពុធ បន្ទាប់ពីសហរដ្ឋអាមេរិកបានវាយប្រហារ លើគោលដៅជាច្រើនរបស់អ៊ីរ៉ង់ក្នុងការសងសឹកចំពោះ ការវាយប្រហារដែលត្រូវបានចោទប្រកាន់ទៅលើនាវាដឹកប្រេងនៅច្រកសមុទ្រ។ ខណៈពេលដែលយោធាអាមេរិកបានចោទប្រកាន់ ទីក្រុងតេហរ៉ង់ពីការឈ្លានពានដោយមិនមានការធានា ប្រព័ន្ធផ្សព្វផ្សាយរបស់អ៊ីរ៉ង់ដោយដកស្រង់ប្រភពពីរដ្ឋាភិបាលបាននិយាយថា នាវាដឹកប្រេងមួយគ្រឿងមិនបានអើពើ នឹងការព្រមានដោយសង្កត់ធ្ងន់ថាអ៊ីរ៉ង់គួរតែអនុម័តគ្រប់ច្រកទាំងអស់។ បន្ទាប់ពីការវាយប្រហារ លោក Trump បានហៅមេដឹកនាំអ៊ីរ៉ង់ថាជា “scum” និង “cuckoo” ព្រមទាំងបានប្រកាសបទឈប់បាញ់“ចប់ហើយ” ហើយបានហៅការបន្តការចរចាថា “ខ្ជះខ្ជាយពេលវេលា”ថែមទៀតផង៕ ប្រែសម្រួល៖ ស៊ុន លី