មេដឹកនាំកំពូលអ៊ីរ៉ង់ អះអាងថា អាមេរិកចង់ឲ្យអ៊ីរ៉ង់ស្ដាប់បង្គាប់ ដោយបដិសេធការចរចា ដោយផ្ទាល់ជាមួយទីក្រុងវ៉ាស៊ីនតោន

តេអេរ៉ង់៖ មេដឹកនាំកំពូលរបស់អ៊ីរ៉ង់ លោក Ali Khamenei បានឲ្យដឹងថា សហរដ្ឋអាមេរិកប្រឈមមុខនឹងប្រទេសអ៊ីរ៉ង់ ព្រោះវាចង់ឱ្យប្រទេសនេះ “ស្តាប់បង្គាប់” ដែលជាការទាមទារដែលលោកហៅថា “ការវាយលុក” ហើយបានប្តេជ្ញាថា ប្រជាជាតិអ៊ីរ៉ង់នឹងទប់ទល់ចំពោះការគំរាមកំហែងនេះ។ ថ្លែងនៅក្នុងទីក្រុងតេអេរ៉ង់ លោក Khamenei បានច្រានចោលការអំពាវនាវឱ្យមានការចរចាដោយផ្ទាល់ជាមួយទីក្រុងវ៉ាស៊ីនតោន ហើយបានឲ្យដឹងថា អរិភាពរបស់សហរដ្ឋអាមេរិកមានជាប់លាប់ចាប់តាំងពីបដិវត្តន៍អ៊ីស្លាមឆ្នាំ១៩៧៩ មក។ លោកបានសំដៅទៅលើការវាយប្រហារកាលពីថ្ងៃទី១៣ ខែមិថុនាលើប្រទេសអ៊ីរ៉ង់...