បណ្ឌិត កៅ ថាច ចុះពិនិត្យកសិដ្ឋាន ៤ទីតាំងនៅខេត្តតាកែវ និងជំរុញឲ្យពង្រីកផលិតកម្ម ព្រមទាំងផ្តល់ទុនប្រាក់កម្ចីពី ARDB

ភ្នំពេញ៖​ នាថ្ងៃទី១៤ ខែធ្នូ ឆ្នាំ២០២៥ លោកបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃធនាគារអភិវឌ្ឍន៍ជនបទ និងកសិកម្ម (ARDB) និងជាប្រធានសមាគមបណ្តាញកសិករតេជោ បានអញ្ជើញចុះសួរសុខទុក្ខ និងពិនិត្យកសិដ្ឋាន ចំនួន ៤ទីតាំង ស្ថិតនៅក្នុងមូលដ្ឋានខេត្តតាកែវ។ ដំណើរចុះពិនិត្យនេះ មានគោលបំណងលើកទឹកចិត្ត ក្តាប់ស្ថានភាពជាក់ស្តែង និងជំរុញសកម្មភាពផលិតកម្មកសិកម្មក្នុងស្រុក ដើម្បីចូលរួមកាត់បន្ថយការនាំចូលពីបរទេស។ ១.ដំណើរទស្សនកិច្ចកសិដ្ឋានគំរូចំនួន ៤ ទីតាំងរួមមាន៖ -កសិដ្ឋាន លោក យក់ ចំរើនឫទ្ធិ ដែលកំពុងពង្រីក និងដាំដុះបន្លែចម្រុះ ស្ថិតនៅភូមិកណ្តាល ឃុំលំពង់ ស្រុកបាទី ខេត្តតាកែវ។ -កសិដ្ឋាន លោក ស៊ន ចាន់បូរ ដែលកំពុងចិញ្ចឹមមេមាន់យកពង ស្ថិតនៅភូមិខ្នារ ឃុំក្រាំងធ្នង់ ស្រុកបាទី ខេត្តតាកែវ។ -កសិដ្ឋាន លោក សាប់ សារុន ដែលកំពុងចិញ្ចឹមបង្កង និងត្រី ស្ថិតនៅភូមិដកពរ ឃុំសំបួរ ស្រុកទ្រាំង ខេត្តតាកែវ។ -កសិដ្ឋាន លោក សួង សង្ហា ដែលកំពុងចិញ្ចឹមត្រី ស្ថិតនៅភូមិចុងថ្នល់ សង្កាត់បារាយណ៍ ក្រុងដូនកែវ ខេត្តតាកែវ។ ២.ការលើកទឹកចិត្ត និងការជំរុញផលិតកម្ម ក្នុងឱកាសនោះ បណ្ឌិត កៅ ថាច បានសម្តែងការកោតសរសើរ និងលើកទឹកចិត្ត ដល់ម្ចាស់កសិដ្ឋានទាំងបួន ឲ្យបន្តពង្រឹង និងពង្រីកការដាំដុះ និងការចិញ្ចឹមបន្ថែមទៀត ឲ្យបានកាន់តែច្រើន និងមានទំហំធំ ដើម្បីផ្គត់ផ្គង់តម្រូវការទីផ្សារក្នុងស្រុកឲ្យបានពេញលេញនិងរួមចំណែកយ៉ាងសំខាន់ក្នុងការកាត់បន្ថយការពឹងផ្អែកលើការនាំចូលផលិតផលកសិកម្មពីបរទេស។ ៣.កញ្ចប់ហិរញ្ញប្បទានពី ARDB ទន្ទឹមនឹងការជំរុញផលិតកម្ម បណ្ឌិត កៅ ថាច បានលើកទឹកចិត្តដល់ម្ចាស់កសិដ្ឋានទាំងអស់ អាចធ្វើការទាក់ទងមកធនាគារ ARDB ដើម្បីទទួលបានទុនវិនិយោគបន្ថែម ជាមួយនឹងអត្រាការប្រាក់អនុគ្រោះ ពិសេសសម្រាប់ពង្រីកខ្សែសង្វាក់ផលិតកម្ម។ នេះជាយន្តការមួយរបស់រាជរដ្ឋាភិបាល តាមរយៈ ARDB ក្នុងការគាំទ្រដល់កសិករ និងកសិដ្ឋានខ្នាតតូច និងមធ្យម ឲ្យមានលទ្ធភាពពង្រីកអាជីវកម្ម។ ៤.ការចូលរួមជាមួយសមាគមបណ្តាញកសិករតេជោ បន្ថែមពីនេះ លោកបណ្ឌិត ក៏បានលើកទឹកចិត្តឲ្យម្ចាស់កសិដ្ឋានចូលរួមចងក្រងជាមួយសមាគមបណ្តាញកសិករតេជោ ដើម្បីងាយស្រួលក្នុងការតភ្ជាប់គ្នា រវាង៖ -ទទួលបានកម្ចី ដើម្បីយកទៅពង្រីកមុខរបរ  -ទទួលបាន បច្ចេកទេស ពីអ្នកជំនាញតាមផ្នែក  -ភ្ជាប់ទៅកាន់ ទីផ្សារ  សមាគមបណ្តាញកសិករតេជោនឹងដើរតួនាទីជាស្ពានភ្ជាប់ដ៏សំខាន់មួយ ក្នុងការជួយសម្របសម្រួល និងធានានូវចីរភាពនៃការដាំដុះនិងការចិញ្ចឹមរបស់កសិករ និងកសិដ្ឋានកម្ពុជា។ ដំណើរចុះពិនិត្យនេះបានបង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលកម្ពុជា ក្នុងការលើកកម្ពស់វិស័យកសិកម្ម និងជីវភាពកសិករ តាមរយៈការគាំទ្រទាំងទុន ទាំងបច្ចេកទេស និងទីផ្សារ៕

ជនស៊ីវិលស្លាប់ កើនឡើងដល់១២នាក់ និងរបួស ៧៤នាក់ពីការឈ្លានពានរបស់ថៃ

ភ្នំពេញ ៖ លោក នេត្រ ភក្ត្រា រដ្ឋមន្រ្តីក្រសួងព័ត៌មាន បានថ្លែងថា គិតមកដល់ថ្ងៃទី១៥ ធ្នូនេះ ជនស៊ីវិលខ្មែរ ស្លាប់ កើនឡើងដល់១២ និង រងរបួស ៧៤ នាក់ ពីការវាយប្រហារ ដោយសកម្មភាពឈ្លាន ពានប្រដាប់អាវុធថៃ ខណៈជនភៀសសឹកកើនដល់ជាង៤០ម៉ឺននាក់ ៕

សម្តេចកិត្តិព្រឹទ្ធបណ្ឌិត ប៊ុន រ៉ានី ផ្តល់ថវិកាជាង២១ម៉ឺនដុល្លារ ទិញកៅស៊ូតង់ ចែកជូនភៀសសឹក

ភ្នំពេញ ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្រេចផ្តល់ថវិកា ២១០.០០០ ដុល្លារ ដើម្បីទិញកៅស៊ូតង់ យកទៅចែកជូនប្រជាជនភៀសសឹក នៅតាមបណ្តោយព្រំដែន។ ការសម្រេចផ្តល់នេះ ធ្វើឡើងនៅព្រឹកថ្ងៃទី១៥ ខែធ្នូ ឆ្នាំ២០២៥ តាមរយៈលោកបណ្ឌិត គន់ គីម ទេសរដ្ឋមន្រ្តី អនុប្រធានទី១...

អ៊ីស្រាអ៊ែល ប្រកាសព្រមានពលរដ្ឋ របស់ខ្លន ពីការធ្វើដំណើរទៅបរទេស ក្រោយហេតុការណ៍ បាញ់ប្រហារនៅអូស្ត្រាលី

បរទេស៖ទីភ្នាក់ងារចិនស៊ិនហួ ចេញផ្សាយនៅថ្ងៃនេះ បានឲ្យដឹងថាប្រទេសអ៊ីស្រាអែល ​បាន​ចេញ​ការ​ព្រមាន​សន្តិសុខ​កាលពី​ថ្ងៃអាទិត្យ​សម្រាប់​ពលរដ្ឋ ​របស់ខ្លួន​នៅ​បរទេស​បន្ទាប់ពី​មាន​ការ​ វាយ​ប្រហារ​ដោយ​ការ​ បាញ់​ប្រហារ​ដ៏​សាហាវ​នៅ​ក្នុង​ប្រទេស​អូស្ត្រាលី​ដោយ​ជំរុញ​ ឱ្យ​ពួកគេ​ចៀសវាង​ការ​ជួបជុំ​ធំៗនានា។ នៅក្នុងសេចក្តីថ្លែងការណ៍មួយ ក្រុមប្រឹក្សាសន្តិសុខជាតិរបស់អ៊ីស្រាអែលបានជំរុញឱ្យជនជាតិអ៊ីស្រាអែលនៅក្រៅប្រទេស ប្រកាន់ខ្ជាប់យ៉ាងតឹងរ៉ឹងនូវវិធានការ ប្រុងប្រយ័ត្ន រួមទាំងការជៀស វាងការជួបជុំដ៏ធំ ដែលមិនត្រូវបានការពារ ដោយកងកម្លាំងសន្តិសុខ ដូចជាព្រឹត្តិការណ៍ នៅក្នុងសាលាប្រជុំជាដើម។ ក្រុមប្រឹក្សាក៏បានអំពាវនាវដល់ជនជាតិអ៊ីស្រាអែលឱ្យ រក្សាការប្រុងប្រយ័ត្នជុំវិញ ទីតាំងរបស់ជនជាតិជ្វីហ្វ និងអ៊ីស្រាអែល...

ប្រទេសចិន ជំរុញយ៉ាងមុតមាំ ឱ្យសហភាពអឺរ៉ុប ឈប់ជ្រៀតជ្រែកកិច្ចការផ្ទៃក្នុង របស់ប្រទេសដទៃទៀត ក្រោមរូបភាពសិទ្ធិមនុស្ស

ប៉េកាំង៖ អ្នកនាំពាក្យក្រសួង ការបរទេសចិន លោក Guo Jiakun បានឲ្យដឹងថា ប្រទេសចិន ជំរុញយ៉ាងមុតមាំ ឱ្យសហភាពអឺរ៉ុប ឈប់ជ្រៀតជ្រែក កិច្ចការផ្ទៃក្នុង របស់ប្រទេសដទៃទៀត ក្រោមរូបភាពសិទ្ធិមនុស្ស លោកបានធ្វើការ កត់សម្គាល់នេះនៅក្នុងសន្និសីទ សារព័ត៌មានជាប្រចាំ នៅពេលឆ្លើយសំណួរ លើសេចក្តីថ្លែងការណ៍មួយ ទាក់ទងនឹងប្រទេសចិន ដែលត្រូវបានចេញ ដោយគណៈប្រតិភូ...

ចិនបង្ហាញមហិច្ឆិតា ក្នុងការធ្វើការជាមួយនឹង អារ៉ា ប៊ីសាអូឌីត ដើម្បីលើកកំពស់ទំនាក់ទំនង ទៅដល់កម្រិតថ្មីមួយ

បរទេស ៖ ទីភ្នាក់ងារចិនស៊ិនហួចេញផ្សាយនៅថ្ងៃនេះ បានឲ្យដឹងថា រដ្ឋមន្ត្រីការបរទេសចិន លោក Wang Yi បាននិយាយ កាលពីថ្ងៃអាទិត្យថា ប្រទេសចិនតែងតែចាត់ទុកប្រទេសអារ៉ាប៊ីសាអូឌីត ជាអាទិភាពមួយនៅ ក្នុងផ្នែកការទូត មជ្ឈិមបូព៌ារបស់ខ្លួន និងជាដៃគូដ៏សំខាន់ ក្នុងយុទ្ធសាស្ត្រការទូត ពិភពលោករបស់ខ្លួន ហើយមានឆន្ទៈ ក្នុងការធ្វើការជាមួយអារ៉ាប៊ីសាអូឌីត ដើម្បីលើកកម្ពស់ទំនាក់ទំនង ទ្វេភាគីឱ្យកាន់តែខ្ពស់ឡើងផងដែរ។ លោក...

ក្រសួងមហាផ្ទៃ នៃរាជរដ្ឋាភិបាលកម្ពុជា ចេញសេចក្ដីប្រកាស ច្រានចោលការបំភាន់ និងមួលបង្កាច់ របស់ភាគីថៃ លើការសម្រេចផ្អាក ការធ្វើដំណើរ ឆ្លងកាត់ព្រំដែនកម្ពុជា ជាប់ជាមួយថៃ

កម្ពុជា មានច្រកដឹកទំនិញសមុទ្រចម្រុះ និងប្រទាក់ក្រឡា ដែលធានាបាន នូវឯករាជ្យភាព

ភ្នំពេញ ៖ លោក ផន រឹម អ្នកនាំពាក្យក្រសួងសាធារណការ និង ដឹកជញ្ជូន បានលើកឡើងថា កម្ពុជា មានច្រកដឹកទំនិញ សមុទ្រចម្រុះ និងប្រទាក់ក្រឡា ដែលមានសក្តានុពល និងធានាបាននូវឯករាជ្យភាព និងម្ចាស់ការលើគ្រប់ទម្រង់ ស្របតាមច្បាប់ និងវិធានអន្តរជាតិ។ តាមរយៈបណ្ដាញសង្គមហ្វេសប៊ុក នាថ្ងៃទី១៥ ខែធ្នូ ឆ្នាំ២០២៥នេះ...

មន្ត្រីលោកខាងលិច សំដែងក្តីបារម្ភ ខណៈដែលអ៊ុយក្រែន ជួបប្រជុំស្ងាត់ៗជាមួយនឹង FBI

បរទេស ៖ យោងតាមការចេញផ្សាយរបស់ RT ដែលបានដកស្រង់ព័ត៌មាន ចេញពីកាសែត Washington Post បានរាយការណ៍កាលពីថ្ងៃសៅរ៍ ដោយដកស្រង់ប្រភពពីមន្ត្រីលោកខាងលិច មានការព្រួយបារម្ភចំពោះភាព សម្ងាត់ជុំវិញកិច្ចប្រជុំរវាងអ្នកចរចាអ៊ុយក្រែន និង FBI ។ អ្នកចរចានាំមុខគេរបស់ទីក្រុងគៀវ លោក Rustem Umerov បានទៅបំពេញទស្សនកិច្ចនៅសហរដ្ឋអាមេរិកចំនួនបីដងក្នុងប៉ុន្មានសប្តាហ៍ថ្មីៗនេះ ដើម្បីជួបជាមួយបេសកជនកំពូលរបស់ប្រធានាធិបតី Donald...

យូអិនប្រកាសថ្កោលទោស សកម្មភាពភេវរកម្ម នៅក្នុងទីក្រុងស៊ីដនី ប្រទេសអូស្ត្រាលី

បរទេស ៖ ទីភ្នាក់ងារចិនស៊ិនហួ ចេញភ្សាយនៅថ្ងៃនេះបានឲ្យដឹងថាអគ្គលេខាធិការអង្គការសហប្រជាជាតិ លោក Antonio Guterres បានថ្កោលទោសយ៉ាងខ្លាំង ចំពោះការវាយប្រហារភេរវកម្មលើការប្រារព្ធពិធី Hanukkah ក្នុងទីក្រុងស៊ីដនី ប្រទេសអូស្ត្រាលី។ អ្នកនាំពាក្យរងលោក Farhan Haq បាននិយាយ នៅក្នុងសេចក្តីថ្លែងការណ៍មួយថា ប្រធានអង្គការសហប្រជាជាតិ សម្តែងការរំលែកទុក្ខយ៉ាងក្រៀមក្រំបំផុត ទៅកាន់ក្រុមគ្រួសារនៃជនរងគ្រោះ និងសូមជូនពរឱ្យមានការជាសះស្បើយយ៉ាងឆាប់រហ័ស និងពេញលេញដល់អ្នកដែលរងរបួស។...