DAP News
-
114ព័ត៌មានអន្តរជាតិសហភាពអឺរ៉ុប ប្រឆាំងនឹងផែនការសន្តិភាព ដែលស្នើឡើង ដោយសហរដ្ឋអាមេរិក ដើម្បីបញ្ចប់ជម្លោះអ៊ុយក្រែន
បរទេស ៖ សហភាពអឺរ៉ុបបានប្រឆាំង នឹងផែនការចុងក្រោយបង្អស់ដែលស្នើឡើង ដោយសហរដ្ឋអាមេរិក ដើម្បីបញ្ចប់ជម្លោះអ៊ុយក្រែនដោយនិយាយថា ដំណោះស្រាយណាមួយត្រូវតែឆ្លុះបញ្ចាំង ពីជំហររបស់ទីក្រុងព្រុចសែល និងក្រុងគៀវ។ យោងតាមសារព័ត៌មាន RT ចេញផ្សាយនៅថ្ងៃទី២០ ខែវិច្ឆិកា ឆ្នាំ២០២៥ បានឱ្យដឹងថា កិច្ចព្រមព្រៀងក្របខ័ណ្ឌព្រាងចំនួន ២៨ ចំណុច ដែលប្រព័ន្ធផ្សព្វផ្សាយ លោកខាងលិចអះអាងថា ត្រូវបានបង្កើតឡើងនៅក្នុងការ សម្របសម្រួលជា...
-
134ព័ត៌មានជាតិក្រសួងធនធានទឹក អំពាវនាវឲ្យប្រុងប្រយ័ត្នខ្ពស់ អំពីស្ថានភាពធាតុអាកាសចុះត្រជាក់ ចាប់ពីថ្ងៃទី២២-៣០ វិច្ឆិកា
ភ្នំពញ ៖ ក្រសួងធនធានទឹក និងឧតុនិយម នៅថ្ងៃទី២១ ខែវិច្ឆិកា ឆ្នាំ២០២៥នេះ បានជូនដំណឹងដល់សាធារណជន និងអាជ្ញាធរដែនដី ត្រូវយកចិត្តទុកដាក់ប្រុងប្រយ័ត្នខ្ពស់អំពីស្ថានភាពធាតុអាកាសចុះត្រជាក់នេះ ចាប់ពីថ្ងៃទី២២-៣០ ខែវិច្ឆិកា ឆ្នាំ២០២៥ ដើម្បីជៀសវាងពីគ្រោះថ្នាក់ផ្សេងៗ។ យោងតាមការអង្កេត ពិនិត្យ និងវិភាគលើស្ថានភាពធាតុអាកាស និងអាកាសធាតុនៅក្នុងតំបន់ និងក្នុងព្រះរាជាណាចក្រកម្ពុជា ក្រសួងធនធានទឹក និងឧតុនិយម បានជម្រាបជូនដំណឹងដល់សាធារណជនឱ្យបានជ្រាបថា...
-
120ព័ត៌មានជាតិអគ្គិសនីកម្ពុជា នឹងដាក់ឱ្យពិគ្រោះថ្លៃ ការផ្គត់ផ្គង់ Capacitor Bank ចំនួន 03 មុខ សម្រាប់ការងារបន្តចរន្ត ជួសជុល ថែទាំ និងកែលម្អ បណ្តាញរួមទាំងគម្រោងអភិជនធុនធំ និងមធ្យម ជូនអគ្គិសនីកំពត និង អគ្គិសនីមណ្ឌលគិរី(ផែនការឆ្នាំ 2025) (អាទិភាពទី1)
ភ្នំពេញ ៖ អគ្គិសនីកម្ពុជា សូមជូនដំណឹងដល់បណ្តាក្រុមហ៊ុន/សហគ្រាស (គិតទាំងសហគ្រាសឯកត្តបុគ្គល) ដែលបាន ចុះបញ្ជីត្រឹមត្រូវ ក្នុងព្រះរាជាណាចក្រកម្ពុជាឱ្យបានជ្រាបថា ៖ អគ្គិសនីកម្ពុជា នឹងដាក់ឱ្យពិគ្រោះថ្លៃ ជាសាធារណៈស្តីពី ការផ្គត់ផ្គង់ Capacitor Bank ចំនួន 03 មុខ សម្រាប់ការងារបន្តចរន្ត ជួសជុល ថែទាំ និងកែលម្អបណ្តាញរួមទាំង...
-
127ព័ត៌មានជាតិនាយករដ្ឋមន្ដ្រីកម្ពុជា អបអរសាទរ និងស្វាគមន៍ រតនវត្ថុសិល្បៈខ្មែរ មាតុភូមិនិវត្តន៍មកកម្ពុជាវិញ
ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអបអរសាទរ និងស្វាគមន៍រតនវត្ថុសិល្បៈខ្មែរ ដែលត្រូវមាតុភូមិនិវត្តវិញ បន្ទាប់ពីចរចាជាមួយ លោក István Zelnik ជនជាតិហុងគ្រី និងរដ្ឋាភិបាលហុងគ្រី ដើម្បីនាំយករតនវត្ថុសិល្បៈខ្មែរត្រឡប់មកកាន់មាតុភូមិវិញ។ តាមរយៈបណ្ដាញសង្គម នាថ្ងៃទី២១ ខែវិច្ឆិកា ឆ្នាំ២០២៥នេះ សម្តេចធិបតី ហ៊ុន...
-
108ព័ត៌មានជាតិអគ្គិសនីកម្ពុជា នឹងដាក់ឲ្យដេញថ្លៃ (លើកទី២) ការផ្គត់ផ្គង់ម៉ាស៊ីនភ្លើង ម៉ូទ័របូមទឹក និង Tools ចំនួន 16 មុខ ជូនអង្គភាពអនុស្ថានីយ និងខ្សែបញ្ជូន (កញ្ចប់លេខ០៩) ជូននាយកដ្ឋានបញ្ជូនអគ្គិសនី (ផែនការឆ្នាំ២០២៥) (អាទិភាពទី១)
ភ្នំពេញ ៖ អគ្គិសនីកម្ពុជា សូមជូនដំណឹងដល់បណ្តា ក្រុមហ៊ុន/សហគ្រាស (គិតទាំងសហគ្រាសឯកត្តបុគ្គល) ទាំងអស់ ដែល បានចុះបញ្ជីត្រឹមត្រូវ ក្នុងព្រះរាជាណាចក្រកម្ពុជា ឲ្យបានជ្រាបថា ៖ អគ្គិសនីកម្ពុជា នឹងដាក់ឲ្យដេញថ្លៃ ជាសាធារណៈដើម្បី ផ្គត់ផ្គង់ម៉ាស៊ីនភ្លើង ម៉ូទ័របូមទឹក និង Tools ចំនួន 16 មុខ...
-
153ព័ត៌មានអន្តរជាតិចំនួនអ្នកបាត់បង់ជីវិត ដោយសារទឹកជំនន់ នៅវៀតណាមបន្តកើនឡើង ទៅដល់៤១នាក់
បរទេស៖យោងតាមការ សារព័ត៌មានក្នុងស្រុក VnExpress បានរាយការណ៍កាលពីយប់ថ្ងៃព្រហស្បតិ៍ ដោយដកស្រង់សម្តីអាជ្ញាធរ គ្រប់គ្រងគ្រោះមហន្តរាយ និង ទំនប់ទឹកវៀតណាមថា ភ្លៀងធ្លាក់ខ្លាំង និងទឹកជំនន់នៅភាគកណ្តាលប្រទេសវៀតណាម បានបណ្តាលឲ្យមនុស្ស៤១នាក់ បាត់បង់ជិវិតនិង៩នាក់ទៀតបាត់ខ្លួន។ ទឹកជំនន់ក៏បានបំផ្លាញផ្ទះចំនួន១៦៧ខ្នង និងជន់លិចជាង៥២០០០ខ្នងទៀត ខណៈដែលដំណាំជាង ១៣០០០ហិកតា ដើមឈើហូបផ្លែជិត២១០០ហិកតា វារីវប្បកម្មចំនួន ៨៨ហិកតា និងសត្វពាហនៈ និងបសុបក្សីជាង៣០៧០០ក្បាលត្រូវបានបាត់បង់។ ប្រព័ន្ធផ្សព្វផ្សាយរដ្ឋបានបន្ថែមថា...
-
119ព័ត៌មានអន្តរជាតិBYD ចាប់ផ្តើមប្រតិបត្តិការលក់ របស់ខ្លួននៅក្នុងទីផ្សារប្រទេសអ៊ីស្រាអែល
បរទេស ៖ យោងតាមការចេញផ្សាយ របស់ទីភ្នាក់ងារចិនស៊ិនហួបានឲ្យដឹងថា ក្រុមហ៊ុនផលិតរថយន្តរបស់ចិន BYD កាលពីថ្ងៃព្រហស្បតិ៍បានចាប់ផ្តើម ការលក់រថយន្តអគ្គិសនីស៊េរីថ្មីនៅក្នុងប្រទេសអ៊ីស្រាអែល នេះបើយោងតាមក្រុមហ៊ុនចែកចាយផ្លូវការរបស់អ៊ីស្រាអែល Shlomo Motors បានប្រកាសនៅក្នុងសេចក្តីថ្លែងការណ៍មួយ។ រថយន្តប្រភេទSUV គឺBYD Atto 2 ដែលគេស្គាល់ថាជា Yuan Up មានការសាកថ្មលឿនពី៣០ទៅ៨០ភាគរយក្នុងរយៈពេល១៩នាទី និងបង្កើនល្បឿនពី០ទៅ ២០០គីឡូម៉ែត្រក្នុងមួយម៉ោងក្នុងពេល...
-
149ព័ត៌មានអន្តរជាតិមេដឹកនាំអ៊ុយក្រែន ទទួលយកជាផ្លូវការ នូវផែនការសន្តិភាព ពីសំណាក់សហរដ្ឋអាមេរិក
បរទេស ៖ យោងតាមការចេញផ្សាយរបស់ RT ប្រទេសអ៊ុយក្រែនបានបញ្ជាក់ជាផ្លូវការថាទទួលបានសេចក្តីព្រាងផែនការសន្តិភាពពីអាមេរិកហើយ។ មេដឹកនាំប្រទេសលោក Vladimir Zelensky បានបង្ហាញក្តីសង្ឃឹមថា លោកនឹងអាចពិភាក្សាអំពីសំណើនេះជាមួយប្រធានាធិបតីអាមេរិក Donald Trump ក្នុងរយៈពេលប៉ុន្មានថ្ងៃខាងមុខនេះ។ សេចក្តីប្រកាសនេះបានធ្វើឡើង កាលពីល្ងាចថ្ងៃព្រហស្បតិ៍ បន្ទាប់ពីរបាយការណ៍ប្រព័ន្ធផ្សព្វផ្សាយជាច្រើន ដែលបង្ហាញថាទីក្រុងវ៉ាស៊ីនតោន បានផ្តល់ផែនការ២៨ចំណុចថ្មីរបស់ខ្លួន ដើម្បីនាំយកអរិភាពជាមួយរុស្ស៊ីដល់ទីបញ្ចប់។ ផែនទីបង្ហាញផ្លូវត្រូវបានគេរាយការណ៍ថា នឹងតម្រូវឱ្យអ៊ុយក្រែនដកខ្លួនចេញពីផ្នែកនៃតំបន់ថ្មីរបស់រុស្ស៊ីនៅ Donbass...
-
113ព័ត៌មានអន្តរជាតិបទវិភាគ ៖ អនុវត្តជាក់ស្តែង នូវគំនិតឯកភាពរួម នៃកិច្ចប្រជុំកំពូលក្រុង Tianjin ដើម្បីត្រួសត្រាយកាលានុវត្តភាព នៃកិច្ចសហប្តតិបត្តិការកាន់តែច្រើន
“គំនិតឯកភាពរួមនៃកិច្ចប្រជុំ បានបំពេញបន្ថែមខ្លឹមសារជាក់ស្តែង កាន់តែច្រើនក្នុងកិច្ចសហប្រតិបត្តិការរវាងរដ្ឋសមាជិក” “បានបោះជំហានទៅមុខបន្ថែមទៀត តាមមាគ៌ាអភិវឌ្ឍន៍នៃអង្គការ សហប្រតិបត្តិការក្រុងសៀងហៃ ”។ល។ មតិអន្តរជាតិបានវាយតម្លៃខ្ពស់ ចំពោះកិច្ចប្រជុំលើកទី២៤ នៃក្រុមប្រឹក្សាប្រមុខរដ្ឋាភិបាល (នាយករដ្ឋមន្ត្រី) នៃរដ្ឋសមាជិកអង្គការសហប្រតិបត្តិការសៀងហៃ ដែលប្រារព្ធធ្វើឡើង នៅក្រុងមូស្គូប្រទេសរុស្ស៊ីនៅពេលថ្មីៗកន្លងទៅនេះ ។ លោក Li Qiang នាយករដ្ឋមន្រ្តីចិន បានអំពាវនាវឱ្យអង្គការសហប្រតិបត្តិការក្រុងសៀងហៃអនុវត្តឱ្យបានសកម្មនូវគំនិតផ្តួចផ្តើមអភិបាលកិច្ចសកល ដើម្បីបង្កើនកម្លាំងប្រមូលផ្តុំ កម្លាំងប្រតិបត្តិការ...
-
140ព័ត៌មានអន្តរជាតិបទវិភាគ ៖ សេដ្ឋកិច្ចចិនត្រូវបានរំពឹងថា នឹងបន្តរក្សានិន្នាការ អភិវឌ្ឍន៍ដោយនឹងនរ
“បើមើលជាទូទៅ ការកែសម្រួលរចនាសម្ព័ន្ធសេដ្ឋកិច្ចរបស់ចិន កំពុងត្រូវជំរុញយ៉ាងនឹងនរជាលំដាប់ដដែល ។ ប៉ុន្តែបើមើលពីការអភិវឌ្ឍនៅពេលអនាគត កម្លាំងផលិតកម្មគុណភាពថ្មីត្រូវពូនជ្រំនិងទទួលការអភិវឌ្ឍ កម្លាំងចលករថ្មីបានរីកចម្រើនជាបន្តបន្ទាប់ ហើយការអភិវឌ្ឍសេដ្ឋកិច្ចប្រកបដោយគុណភាពខ្ពស់មាននិន្នាការល្អប្រសើរ ។”ពេលថ្មីៗកន្លងទៅនេះ លោក Fu Linghui អ្នកនាំពាក្យនៃរដ្ឋបាលជាតិស្ថិតិចិនបានធ្វើបទបង្ហាញពីស្ថានភាពពាក់ព័ន្ធនៃការដំណើរការសេដ្ឋកិច្ចរបស់ចិននាពេលបច្ចុប្បន្ននេះ ។ ពេលថ្មីៗកន្លងទៅនេះ រដ្ឋបាលជាតិស្ថិតិចិនបានប្រកាសទិន្នន័យឱ្យដឹងថា កាលពីខែតុលា តម្លៃបន្ថែមនៃឧស្សាហកម្មធុនមធ្យមនិងធំទូទាំងប្រទេសចិនបានកើនឡើង៤,៩ភាគរយ បើប្រៀបធៀបនឹងរយៈពេលដូចគ្នានាឆ្នាំមុន តម្លៃបន្ថែមនៃឧស្សាហកម្មកម្មន្តសាលគ្រឿងបរិក្ខារបានកើនឡើង៨ភាគរយបើប្រៀបធៀបនឹងរយៈពេលដូចគ្នានាឆ្នាំមុន ហើយតម្លៃបន្ថែមនៃឧស្សាហកម្មកម្មន្តសាលបច្ចេកទេសខ្ពស់បានកើនឡើង៧,២ភាគរយបើប្រៀបធៀបនឹងរយៈពេលដូចគ្នានាឆ្នាំមុន ។ ការផ្គត់ផ្គង់ខាងផលិតកម្មមានស្ថិរភាពជាមូលដ្ឋាន ការប្រកបអាជីពមានស្ថិរភាពជាទូទៅ តម្លៃទំនិញមានការកែសម្រួលខ្លះ កម្លាំងចលករថ្មីត្រូវពូនជ្រំជាបន្តបន្ទាប់ សេដ្ឋកិច្ចជាតិបានរក្សានិន្នាការអភិវឌ្ឍន៍ប្រកបដោយស្ថិរភាពជាទូទៅ។ ពេលថ្មីៗកន្លងទៅនេះ ក្រុមហ៊ុន KPMG បានចេញផ្សាយរបាយការណ៍ស្តីពីការសង្កេតមើលសេដ្ឋកិច្ចចិននៅត្រីមាសទី៤ឆ្នាំ២០២៥ ។ របាយការណ៍នេះបង្ហាញឱ្យដឹងថា នៅបីត្រីមាសដើមឆ្នាំនេះ GDPជាក់ស្តែងនៃសេដ្ឋកិច្ចចិនបានកើនឡើង៥,២ភាគរយបើប្រៀបធៀបនឹងរយៈពេលដូចគ្នានាឆ្នាំមុន ដែលខ្ពស់ជាងរយៈពេលដូចគ្នានាឆ្នាំ២០២៤ចំនួន០,៤ភាគរយ ដំណើរការសម្រេចបាននូវគោលដៅកំណើនប្រហែល៥ភាគរយពេញមួយឆ្នាំមានភាពល្អប្រសើរ ។ លោក Cai Wei ប្រធានវិទ្យាស្ថានស្រាវជ្រាវសេដ្ឋកិច្ចចិននៃក្រុមហ៊ុន KPMG បានថ្លែងថា សម្លឹងមើលត្រីមាសទីបួន ការដំណើរការសេដ្ឋកិច្ចមានកត្តាទ្រទ្រង់ក្នុងពីរវិស័យ ។ទីមួយ គឺស្ថានការណ៍តានតឹងខាងសេដ្ឋកិច្ចនិងពាណិជ្ជកម្មមានភាពបន្ធូរបន្ថយ ដែលនឹងដើរតួនាទីវិជ្ជមានចំពោះសមិទ្ធផលខាងពាណិជ្ជកម្មជាមួយបរទេសនិងការប៉ាន់ប្រមាណចំពោះការធ្វើអជីវកម្មនៃសហគ្រាសនៅត្រីមាសទីបួន ។ ទីពីរគឺ ពេលថ្មីៗកន្លងទៅនេះ គោលនយោបាយម៉ាក្រូកាន់តែយកចិត្តទុកដាក់ដល់តម្រូវការផ្ទៃក្នុង គោលដៅកំណើនសេដ្ឋកិច្ចប្រហែល៥ភាគរយពេញមួយឆ្នាំត្រូវបានរំពឹងថា នឹងសម្រេចយ៉ាងរលូន ។ លោក Jean-Jacques de Dardel ប្រធាននៃក្រុមប្រឹក្សាភិបាលនៃមជ្ឈមណ្ឌលស៊្វីសនិងជាអតីតឯកអគ្គរដ្ឋទូតស៊្វីសប្រចាំនៅចិនបានថ្លែងនៅពេលថ្មីៗកន្លងទៅនេះថា ទីផ្សារចិនបានរក្សាកំណើនយ៉ាងឆាប់រហ័សជាទូទៅ ដែលនៅតែជាគោលដៅសំខាន់នៃផលិតផលស៊្វីសដដែល ជាពិសេសគឺក្នុងវិស័យផលិតសម្ភារៈវេជ្ជសាស្ត្រជាន់ខ្ពស់ជាដើម ។ លោកJean-Jacques de Dardel បានរំពឹងទុកថា សមិទ្ធផលច្នៃប្រឌិតថ្មីកាន់តែច្រើនរបស់ស៊្វីសអាចទទួលការអភិវឌ្ឍនៅប្រទេសចិន ។ ឆ្លងតាមរយៈការអភិវឌ្ឍបៃតងនិងការច្នៃប្រឌិតថ្មីខាងបច្ចេកវិទ្យា ប្រទេសទាំងពីរស៊្វីសនិងចិនអាចបង្កើតជា “ចំណងរួមថ្មី” នេះមិនត្រឹមតែមានអំណោយផលដល់សេដ្ឋកិច្ចទ្វេភាគីប៉ុណ្ណោះទេ ថែមទាំងក៏មានអំណោយផលដល់ការអភិវឌ្ឍជានិរន្តរភាពនៃពិភពលោកទាំងមូលផងដែរ ។ វេបសាយនៃវេទិកាអាស៊ីបូព៌ារបស់អូស្ត្រាលីបានចុះផ្សាយអត្ថបទនៅពេលថ្មីៗកន្លងទៅនេះថា ក្នុងរយៈពេល២០ឆ្នាំកន្លងទៅនេះ ការអភិវឌ្ឍនៃសេដ្ឋកិច្ចចិនជាក្បាលម៉ាស៊ីននៃវិបុលភាពសកលផង ហើយក៏ជាមូលហេតុមួយសម្រាប់កែប្រែសណ្តាប់ធ្នាប់សេដ្ឋកិច្ចពិភពលោកផងដែរ ។ ប្រទេសចិនធ្លាប់ជា “រោងចក្រពិភពលោក”ដ៏សំខាន់សម្រាប់ផលិតទំនិញប្រើប្រាស់ដែលមានតម្លៃថោក ប៉ុន្តែបច្ចុប្បន្ននេះបានក្លាយជាមជ្ឈមណ្ឌលច្នៃប្រឌិតថ្មីដែលជំរុញឱ្យឧស្សាហកម្មទំនិញទ្រង់ទ្រាយធំនៃទ្វីបអាមេរិកឡាទីននិងអាហ្វ្រិកទទួលការអភិវឌ្ឍយ៉ាងឆាប់រហ័ស ព្រមពេលជាមួយគ្នានេះ ក៏បានពង្រឹងស្ថិរភាពតម្លៃនៃអង្គភាពសេដ្ឋកិច្ចរីកលូតលាស់ដែរ ។ លោក Fu Linghui អ្នកនាំពាក្យនៃរដ្ឋបាលជាតិស្ថិតិចិនបានថ្លែងថា បើមើលពីសភាពការណ៍នៅដំណាក់កាលបន្ទាប់ លក្ខខណ្ឌទ្រទ្រង់និងនិន្នាការមូលដ្ឋានដែលឆ្ពោះទៅរកភាពល្អប្រសើរក្នុងរយៈពេលយូរនៃសេដ្ឋកិច្ចចិនមិនបានកែប្រែទេ ការសម្រេចបាននូវគោលដៅតាមការរំពឹងទុកពេញមួយឆ្នាំមានលក្ខខណ្ឌអំណោយផលជាច្រើន ។ ជាពិសេសគឺការបើកធ្វើដោយជោគជ័យនៃកិច្ចប្រជុំពេញអង្គលើកទី៤នៃគណៈកម្មាធិការមជ្ឈិមបក្សកុម្មុយនីស្តចិនអាណត្តិទី២០ បានគ្រោងផែនការអភិវឌ្ឍន៍ក្នុងរយៈពេល៥ឆ្នាំខាងមុខនេះ ដែលពង្រងយ៉ាងខ្លាំងដល់ជំនឿចិត្តអភិវឌ្ឍន៍របស់ប្រជាជនគ្រប់ជនជាតិទូទាំងប្រទេសចិន និងបំពេញបន្ថែមកម្លាំងចលករដ៏ខ្លាំងក្លាសម្រាប់ការអភិវឌ្ឍប្រកបដោយគុណភាពខ្ពស់ ។សេដ្ឋកិច្ចចិនត្រូវបានរំពឹងថានឹងបន្តរក្សានិន្នាការអភិវឌ្ឍន៍យ៉ាងនឹងនរជាបន្តបន្ទាប់ ៕