វ៉ាស៊ីនតោន៖ និយ័តករសហរដ្ឋអាមេរិក បានអនុញ្ញាតឱ្យប្រើជាបន្ទាន់នូវវ៉ាក់សាំងការពារជំងឺកូវីដ-១៩ Pfizer Inc សម្រាប់មនុស្សវ័យជំទង់ ដែលមានអាយុ ១២ ឆ្នាំ ដោយបន្ថយអាយុអប្បបរមាចាប់ពី ១៦ ឆ្នាំ នេះបើយោងតាមការចុះផ្សាយរបស់ទីភ្នាក់ងារសារព័ត៌មាន ក្យូដូជប៉ុន។
ការផ្លាស់ប្តូរនេះនឹងជួយការពារ សិស្សវិទ្យាល័យនិងជាន់ខ្ពស់ពីជំងឺឆ្លងកូវីដ-១៩ ដែលជាជំងឺផ្លូវដង្ហើមដែលបណ្តាលមកពីវីរុសឆ្លង ខណៈរដ្ឋបាលរបស់លោក ប្រធានាធិបតី ចូ បៃដិន បន្តយុទ្ធនាការចាក់វ៉ាក់សាំងទ្រង់ទ្រាយធំ ដើម្បីបញ្ចប់ជំងឺរាតត្បាត។
យោងតាមរដ្ឋបាលចំណីអាហារ និងឪសថអាមេរិក បានឲ្យដឹងថា ការប្រើថ្នាំចំនួនពីរមុខ គឺប្រើរយៈពេល ៣ សប្តាហ៍ដាច់ដោយឡែកពីវ៉ាក់សាំង ដែលត្រូវបានបង្កើតឡើងដោយក្រុមហ៊ុនផលិតឱសថរបស់សហរដ្ឋអាមេរិក និងដៃគូអាល្លឺម៉ង់ក្រុមហ៊ុន BioNTech SE ។
ទិន្នន័យសុវត្ថិភាពត្រូវបាន ប្រមូលតាមរយៈការសាកល្បងព្យាបាលនៅសហរដ្ឋអាមរិក ដែលមានអ្នកចូលរួមជាង ២០០០ នាក់ ដែលមានអាយុចន្លោះពី ១២ ទៅ ១៥ ឆ្នាំ។
ក្នុងចំណោមអ្នកចូលរួមដោយគ្មាន ភ័ស្តុតាងនៃការឆ្លងវីរុសមុននោះមិនមានៃករណីន ការការពារជំងឺកូវីដ-១៩ កើតឡើងក្នុងចំណោមអ្នកទទួលវ៉ាក់សាំងចំនួន ១-០០៥ នាក់ និង ១៦ ករណីឆ្លងក្នុងចំណោមមនុស្ស ៩៧៨ នាក់ ដែលបានទទួលថ្នាំបង្ការរោគ។
នៅក្នុងនោះដែរ រដ្ឋបាលចំណីអាហារ និងឪសថអាមេរិក បានឲ្យដឹងនៅក្នុងសេចក្តីប្រកាសព័ត៌មានរបស់ខ្លួនថាវ៉ាក់សាំងនេះមានប្រសិទ្ធភាព ១០០ ភាគរយក្នុងការការពារជំងឺកូវីដ – ១៩៕ដោយ ឈូក បូរ៉ា
