បាងកក ៖ ប្រទេសថៃ និងឥណ្ឌូនេស៊ី បានចាប់ផ្តើមផ្តល់អនុសាសន៍ វ៉ាក់សាំងការពារជំងឺកូវីដ-១៩ ពីអ៊ឺរ៉ុប-អាមេរិក ដល់ប្រជាជន របស់ពួកគេបន្ទាប់ ពីបានឃើញការស្លាប់មួយចំនួន ក្នុងចំណោមអ្នក ដែលបានចាក់វ៉ាក់សាំងចិន ចំពេលមានការរីករាលដាល នៃមេរោគក្លាយពូជ ដែលអាចចម្លង បានខ្ពស់ជាមុន កាន់តែខ្លាំង ។
ការផ្លាស់ប្តូរយ៉ាងឆាប់រហ័ស នៃប្រទេសអាស៊ីអាគ្នេយ៍ទាំងពីរ ឆ្លុះបញ្ចាំងពីកង្វល់អំពីប្រសិទ្ធភាព នៃវ៉ាក់សាំង ដែលផលិតដោយចិន ដូចជាថ្នាំដែលផលិត ដោយក្រុមហ៊ុនស៊ីណូវាក់ ជីវបច្ចេកវិទ្យារបស់ចិន ប្រឆាំងនឹងទម្រង់ឆ្លងថ្មី ដែលបានរកឃើញដំបូងនៅក្នុងប្រទេសឥណ្ឌា និងរីករាលដាលយ៉ាង ឆាប់រហ័សនៅទូទាំងតំបន់ និង តំបន់ផ្សេងទៀត។
តំបន់អាស៊ីអាគ្នេយ៍ បានពឹងផ្អែកយ៉ាងខ្លាំង ទៅលើវ៉ាក់សាំង ដែលផលិតដោយចិន ប៉ុន្តែប្រទេសថៃ បានឲ្យដឹងនៅថ្ងៃទី១២ ខែកក្កដាថា ខ្លួននឹងផ្តល់វ៉ាក់សាំង ដែលផលិតដោយក្រុមហ៊ុន AstraZeneca Plc របស់ចក្រភពអង់គ្លេស ជាដូសទី២ ដល់អ្នកដែលបានទទួលវ៉ាក់សាំង Sinovac ដូសដំបូង ។
រដ្ឋាភិបាលថៃ ក៏បានបង្ហាញពីផែនការ ផ្តល់ដល់អ្នកដែលបានបញ្ចប់ការចាក់ថ្នាំបង្ការ ពីរដងរួចទៅហើយ ជាមួយនឹងវ៉ាក់សាំង ពីក្រុមហ៊ុនផលិតវ៉ាក់សាំង ដូចជាក្រុមហ៊ុន AstraZeneca និងក្រុមហ៊ុនឱសថ Pfizer Inc របស់សហរដ្ឋអាមេរិក ។
យោងតាមរដ្ឋាភិបាល បានឲ្យដឹងថា បុគ្គលិកពេទ្យចំនួន ៦១៨ នាក់ក្នុងចំណោមបុគ្គលិកពេទ្យ ចំនួន ៦៧៧,០០០ នាក់ ដែលបានទទួលថ្នាំស៊ីណូវ៉ាក់ ចំនួនពីរលើក ដោយផ្អែកលើបុព្វសិទ្ធិ រវាងខែមេសានិងកក្កដា បានឆ្លងមេរោគ ដែលបណ្តាលឲ្យ គិលានុបដ្ឋាយិកាម្នាក់ស្លាប់។
ប្រភពពីរដ្ឋាភិបាលបានឲ្យដឹងថា ការផ្លាស់ប្តូរនេះមានគោលបំណង ពង្រឹងអភ័យឯកសិទ្ធិរបស់ប្រជាជន ចំពោះមេរោគក្លាយពូជ Delta និងមិនមិនបានលើកឡើង ពីបញ្ហាប្រសិទ្ធភាពវ៉ាក់សាំងរបស់ចិនឡើយ ។
វេជ្ជបណ្ឌិតនៅមន្ទីរពេទ្យ ទីក្រុងបាងកក បានចង្អុលបង្ហាញថា ប្រជាជននៅតែត្រូវបានគេណែនាំ ឱ្យចាក់វ៉ាក់សាំង ទោះបីជាវ៉ាក់សាំង Cinovac ក៏ ដោយដោយថា ការចាក់ថ្នាំបង្ការរោគគួរ តែត្រូវបានពន្លឿន ប៉ុន្តែបុរសអាយុ ៣៧ ឆ្នាំម្នាក់នៅក្នុងរដ្ឋធានី ដែលមានប្រព័ន្ធភាព ស៊ាំពេញលេញ បានលើកឡើងថា លោកមានការព្រួយបារម្ភបន្ទាប់ពីបានលឺអំពីការស្លាប់របស់គិលានុបដ្ឋាយិកា ម្នាក់ ក្រោយចាក់វ៉ាក់សាំងចិន ៕
ដោយ ឈូក បូរ៉ា
