ភ្នំពេញ ៖ លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញនាព្រឹកថ្ងៃ២៧ តុលានេះ បានទៅបង់ផាកពិន័យតាមច្បាប់ចរាចរណ៍ផ្លូវគោក ទាក់ទងទៅនឹងការរួមដំណើរដោយមិនបានពាក់មួកសុវត្ថិភាព នៅពេលចុះពិនិត្យ និងលើកទឹកចិត្តកងកម្លាំង ក៏ដូចជាការត្រួតពិនិត្យស្ថានភាពគ្រោះទឹកជំនន់នៅទឹកដីខណ្ឌដង្កោ រាជធានីភ្នំពេញ កាលពីថ្ងៃ២៦ តុលា ។ នេះបើតាមការចេញផ្សាយក្នុងផេកលោក ស ថេត ។
![](https://dap-news.com/wp-content/uploads/2021/10/photo_2021-10-27_10-17-31-1024x682.jpg)
![](https://dap-news.com/wp-content/uploads/2021/10/photo_2021-10-27_10-17-27-1024x604.jpg)
សូមបញ្ជាក់ថា លោកស្នងការ មិនបានពាក់មួកសុវត្ថិភាពនៅពេលនោះព្រោះថា ទីតាំងនោះ ជាទីតាំង កំពុងរងគ្រោះដោយទឹកជំនន់ ទីតាំងកំពុងប្រឈមនឹងហានិភ័យ ជាទីតាំងដែលកម្លាំងគណៈបញ្ជាការឯកភាពកំពុងតែជួយសង្គ្រោះប្រជាពលរដ្ឋ សហការគ្នាទប់ស្កាត់ និងបញ្ជៀសទឹកជំនន់ ជាពិសេសជា ទីតាំងដែលរដ្ឋបាលរាជធានីភ្នំពេញ បានបិទហាមមិនឲ្យយានយន្តគ្រប់ប្រភេទធ្វើចរាចរណ៍ឆ្លងកាត់៕
![](https://dap-news.com/wp-content/uploads/2021/10/photo_2021-10-27_10-17-24.jpg)
![](https://dap-news.com/wp-content/uploads/2021/10/photo_2021-10-27_10-17-16-1024x768.jpg)
![](https://dap-news.com/wp-content/uploads/2020/08/1-1.png)