BUCHAREST ៖ សភារបស់ប្រទេសម៉ុលដាវា បានសម្រេចចិត្ត ដើម្បីបន្តដាក់រដ្ឋ ក្នុងគ្រាអាសន្នរយៈពេល ៦០ថ្ងៃទៀត ដោយចាប់ផ្តើមពីថ្ងៃទី០៦ ខែធ្នូ នេះបើយោង តាមការចុះផ្សាយ របស់ទីភ្នាក់ងារ សារព័ត៌មានចិនស៊ិនហួ ។
យោងតាមរបាយការណ៍ ប្រព័ន្ធផ្សព្វផ្សាយ Moldovan រដ្ឋាភិបាលបានធ្វើសំណើ ដើម្បីធានាសុវត្ថិភាព នៃការផ្គត់ផ្គង់ថាមពល សម្រាប់រដូវរងារ គ្រប់គ្រងលំហូរចំណាកស្រុក និងទូទាត់ហានិភ័យសន្តិសុខ ផ្សេងទៀត។
នាយករដ្ឋមន្ត្រីលោកស្រី Natalia Gavrilita បានប្រាប់សភាថា “ប្រទេសម៉ុលដាវា ស្ថិតក្នុងស្ថានភាព ដែលមិនធ្លាប់ មានពីមុនមក ដែលស្ថាប័ននានា ត្រូវការឧបករណ៍រហ័ស ដើម្បីអន្តរាគមន៍ពីមួយថ្ងៃទៅមួយថ្ងៃ យើងត្រូវស្វែងរកដំណោះស្រាយ ដើម្បីឱ្យមានអគ្គិសនី និងឧស្ម័ន”។
ក្នុងអំឡុងពេលនៃភាពអាសន្ន គណៈកម្មការសម្រាប់ស្ថានភាពអាសន្ននឹងចេញសេចក្តីណែនាំជាកំហិត សម្រាប់រដ្ឋបាលសាធារណៈកណ្តាល និងមូលដ្ឋាន ស្ថាប័នសាធារណៈ និងប្រជាពលរដ្ឋ។
សភាបានប្រកាស ដាក់ប្រទេសក្នុងភាព អាសន្នទូទាំងប្រទេសជាលើកដំបូងនៅថ្ងៃទី២៤ ខែកុម្ភៈដោយគិតគូរ ពីគ្រោះថ្នាក់ដែលជិត មកដល់ចំពោះសន្តិសុខជាតិដែលបង្កឡើង ដោយវិបត្តិអ៊ុយក្រែន។ ចាប់តាំងពីពេលនោះមក សភាបានបន្តដាក់រដ្ឋក្នុងគ្រាអាសន្នចំនួន ៤ ដង៕
ប្រែសម្រួល ឈូក បូរ៉ា
