តូក្យូ៖ រដ្ឋមន្ត្រីការបរទេសនៃក្រុមទាំងប្រាំពីរ (G-7) បានថ្កោលទោសការបន្តវាយប្រហាររបស់រុស្ស៊ីលើអ៊ុយក្រែន ហើយបានសន្យាថា ប្រទេសប្រជាធិបតេយ្យសំខាន់ៗរបស់ពួកគេ នឹងចាត់វិធានការបន្ថែមក្នុងគោលបំណងធ្វើឱ្យសមត្ថភាពហិរញ្ញវត្ថុរបស់ទីក្រុងម៉ូស្គូ ចុះខ្សោយក្នុងសង្គ្រាម។
សមាជិក (G-7) បានឲ្យដឹងនៅក្នុងសេចក្តីថ្លែងការណ៍មួយដែលបានចេញផ្សាយ ៣ថ្ងៃមុនដំបូងថា “យើងនឹងដាក់ការចំណាយលើសេដ្ឋកិច្ចបន្ថែមទៀតលើប្រទេសរុស្ស៊ី និងលើបុគ្គល និងអង្គភាពនានា ក្នុង និងក្រៅប្រទេសរុស្ស៊ី ដែលផ្តល់ការគាំទ្រផ្នែកនយោបាយ ឬសេដ្ឋកិច្ចចំពោះការរំលោភច្បាប់អន្តរជាតិ” និងខួបនៃការលុកលុយរបស់ប្រទេសអ៊ុយក្រែន។
រដ្ឋមន្ត្រីបានអំពាវនាវដល់សមាជិកទាំងអស់នៃសហគមន៍អន្តរជាតិឱ្យបដិសេធសកម្មភាពរបស់រុស្ស៊ី និងការដេញថ្លៃរបស់ខ្លួនក្នុងការទទួលបានទឹកដីដោយកម្លាំង នេះបើយោងតាមការចុះផ្សាយរបស់ទីភ្នាក់ងារសារព័ត៌មានក្យូដូជប៉ុន។
ក្រុមរដ្ឋមន្រ្តីបានឲ្យដឹងថា “យើងមិនងាករេក្នុងការគាំទ្ររបស់យើង ចំពោះសិទ្ធិរបស់អ៊ុយក្រែន ក្នុងការការពារខ្លួនប្រឆាំងនឹងសង្គ្រាមឈ្លានពានរបស់រុស្ស៊ី និងសិទ្ធិ ដែលមិនអាចប្រកែកបានក្នុងការទាមទារទឹកដីរបស់ខ្លួនពីរុស្ស៊ីវិញ។ វោហាសាស្ត្រនុយក្លេអ៊ែរមិនទទួលខុសត្រូវ” របស់ទីក្រុងម៉ូស្គូនឹងមិនរំខាន ឬរារាំងពួកគេពីការជួយទីក្រុងគៀវ បានឡើយ។
មេដឹកនាំនៃសមាជិកក្រុមនេះ ដូចជា អង់គ្លេស កាណាដា បារាំង អាល្លឺម៉ង់ អ៊ីតាលី ជប៉ុន និងសហរដ្ឋអាមេរិក ក៏ដូចជាសហភាពអឺរ៉ុប គ្រោងនឹងរៀបចំកិច្ចប្រជុំកំពូលតាមប្រព័ន្ធអ៊ីនធឺណិតនៅថ្ងៃខួប។
នាយករដ្ឋមន្ត្រីជប៉ុនលោក Fumio Kishida បាននិយាយកាលពីថ្ងៃចន្ទថា លោកនឹងអញ្ជើញប្រធានាធិបតីអ៊ុយក្រែនលោក វូឡូឌីមៀ ហ្សេឡិនស្គី មកចូលរួមកិច្ចប្រជុំកំពូល G-7 ។ កិច្ចប្រជុំកំពូលនេះនឹងក្លាយជាម្ចាស់ផ្ទះលើកដំបូងដោយនាយករដ្ឋមន្ត្រីជប៉ុន ដែលកាន់តំណែងជាប្រធានប្តូរវេននៅឆ្នាំនេះ៕
ប្រែសម្រួល ឈូក បូរ៉ា
