បរទេស៖ ខណៈពេលដែលនៅចន្លោះខែកញ្ញា ឆ្នាំ ២០១៩ ដល់ខែតុលា ឆ្នាំ ២០២២ ទុនបម្រុងមាសរបស់ប្រទេសចិននៅតែមិនផ្លាស់ប្តូរ ដោយនៅខែវិច្ឆិកាឆ្នាំមុន គេបានឃើញទីក្រុងប៉េកាំងជំរុញឱ្យមានការបង្កើនការទិញមាសដុំ។
យោងតាមសារព័ត៌មាន Sputnik ចេញផ្សាយ កាលពីថ្ងៃទី២៣ ខែមេសា ឆ្នាំ២០២៣ បានឱ្យដឹងថា កាសែតដែលមានមូលដ្ឋាន នៅទីក្រុងញូវយ៉ក បានរាយការណ៍ដោយដកស្រង់សម្តីអ្នកជំនាញក្នុងឧស្សាហកម្មនេះថា ប្រទេសចិនកំពុងបង្កើនទុនបំរុង មាសរបស់ខ្លួនក្នុងរយៈពេលប្រាំខែជាប់គ្នា ដោយសារតែទីក្រុងប៉េកាំងកំពុងរៀបចំសម្រាប់ការដាក់ទណ្ឌកម្ម នាពេលអនាគតដែលអាចធ្វើទៅបានប្រឆាំង នឹងប្រទេសចិន PRC ។
បញ្ញាវន្ត និងអ្នកនិពន្ធផ្នែកហិរញ្ញវត្ថុចិនលោក Sun Xiaoji បាននិយាយថា ធនាគារកណ្តាល របស់ប្រទេសចិនកំពុងបង្កើន ការកាន់កាប់មាសរបស់ខ្លួនយ៉ាងសកម្ម ដោយសារខ្លួនមិន បានរាប់បញ្ចូលសេណារីយ៉ូ ដែលវាត្រូវបានបណ្តេញចេញពីប្រព័ន្ធទូទាត់ ប្រាក់ដុល្លារអាមេរិកជាសកល។
លោក Sun Xiaoji បានអះអាងថា “នៅក្នុងស្រុក បក្សកុម្មុយនិស្តចិន (CCP) ផ្សាយពាណិជ្ជកម្មថា ខ្លួនកំពុងប្រកួតប្រជែងយ៉ាង សកម្មជាមួយសហរដ្ឋអាមេរិក និងកាត់បន្ថយការពឹងផ្អែកទៅលើប្រាក់ដុល្លារ” ប៉ុន្តែហេតុផលពិតប្រាកដគឺថា ខ្លួនដឹងថាមិនយូរមិនឆាប់ ចិននឹងត្រូវបានដាក់ទណ្ឌកម្មដោយសហរដ្ឋអាមេរិក ។ ដូច្នេះហើយ ខ្លួនកំពុងស្វែងរកជម្រើសជំនួសប្រាក់ដុល្លារអាមេរិក ហើយជម្រើសតែមួយគត់នោះគឺមាស។
អ្នកជំនាញរូបនេះ ក៏បានធ្វើអត្ថាធិប្បាយលើការជំរុញ បច្ចុប្បន្នសម្រាប់កាត់បន្ថយការពឹងផ្អែក ទៅលើប្រាក់ដុល្លារដោយក្រុម BRICS ដែលចិនជាសមាជិក ដែលក្រុមនេះក៏រួមមានប្រេស៊ីល រុស្ស៊ី ឥណ្ឌា និងអាហ្វ្រិកខាងត្បូងផងដែរ។
លោក Sun បាននិយាយថា ហេតុផលសម្រាប់កាត់បន្ថយការពឹងផ្អែក ទៅលើប្រាក់ដុល្លារ ក្នុងចំណោមបណ្តាប្រទេស BRICS មិនមែនដោយសារតែប្រទេសចិន និងរុស្ស៊ីបានសម្រេចចិត្តដកប្រាក់ យ៉ាងសកម្មរបស់ពួកគេចំពោះការប្រើប្រាស់ប្រាក់ដុល្លារអាមេរិកនោះទេ។ លោកបានអះអាងថា បញ្ហានេះគឺថា រលក នៃសកលភាវូបនីយកម្ម នាពេលថ្មីៗនេះបានឈានដល់ទីបញ្ចប់ ហើយពិភពលោកហៀប នឹងឈានចូលដំណាក់កាល នៃការអភិវឌ្ឍន៍ក្នុងតំបន់ ឬសូម្បីតែការប្រឈមមុខដាក់គ្នារវាងតំបន់។
លោក Fang Qi ទីប្រឹក្សាហិរញ្ញវត្ថុដែលមានមូលដ្ឋាននៅចក្រភពអង់គ្លេសបានប្រាប់សារព័ត៌មានថា លោកជឿជាក់ថាធនាគារកណ្តាលរបស់ប្រទេសចិន បានកាត់បន្ថយការកាន់ កាប់មូលបត្របំណុលរបស់សហរដ្ឋអាមេរិក និងបង្កើនទុនបំរុងមាសរបស់ចិនដែលភាគច្រើន ចេញពីការព្រួយបារម្ភ ចំពោះអត្រានៃការត្រឡប់មកវិញ និងការកាត់បន្ថយការប្រែប្រួល៕
ប្រែសម្រួលៈ ណៃ តុលា
