ប៉េកាំង៖ នៅឯកិច្ចប្រជុំកំពូលក្រុមសេដ្ឋកិច្ចទាំង៧ (G7) ដែលចាប់ផ្តើមនៅថ្ងៃសុក្រនេះ អង្គប្រជុំដឹកនាំដោយអាមេរិក ជាថ្មីម្តងទៀត កំពុងធ្វើឱ្យមានការភ្ញាក់ផ្អើលឡើងវិញនូវអ្វី ដែលគេហៅថា “ច្បាប់ និងសណ្តាប់ធ្នាប់” ខណៈពេលដែលអ្នកសង្កេតការណ៍ នយោបាយ បានបដិសេធយ៉ាងជាក់លាក់ នូវខ្លឹមសារនៃការកុហករបស់ពួកគេ ដែលជាគ្រោងការណ៍ ដើម្បីលេងតិចនិកនយោបាយ និងកំណត់ទៅកាន់ពិភពលោកទាំងមូល។
កាលពីថ្ងៃសៅរ៍បានចេញសេចក្តីថ្លែងការណ៍មួយទាក់ទងនឹងភាពធន់នឹងសេដ្ឋកិច្ច និងសន្តិសុខ ដោយគំរាមកំហែងប្រឆាំងនឹង “ការបង្ខិតបង្ខំសេដ្ឋកិច្ច” ដែលនឹងបែងចែកពិភពលោកជាទីផ្សារពីរ និងប្រព័ន្ធពីរនៅក្នុងតំបន់ដូចជា semiconductors និងសារធាតុរ៉ែសំខាន់ៗ ក្រោមលេសនៃការកាត់បន្ថយការពឹងផ្អែក លើប្រទេសចិន។
ដូចដែលបានរាយការណ៍ដោយ Financial Times “ការសម្របសម្រួលលើប្រទេសចិន ធ្វើឡើងបន្ទាប់ពីកិច្ចខិតខំប្រឹងប្រែង រយៈពេល ២ឆ្នាំដោយរដ្ឋបាល Biden ដែលជួយដោយប្រទេសជប៉ុន” ។ សហរដ្ឋអាមេរិក គឺជាពិរុទ្ធជនចម្បងក្នុងការទាញសម្ព័ន្ធមិត្តរបស់ខ្លួនឱ្យដកខ្លួនចេញពីប្រទេសចិន ដែលនេះជាការរំលោភបំពានយ៉ាងធ្ងន់ធ្ងរ លើគោលការណ៍នៃពាណិជ្ជកម្មសេរី និងសេដ្ឋកិច្ចទីផ្សារ ហើយនឹងធ្វើឱ្យប៉ះពាល់ដល់ការអភិវឌ្ឍសេដ្ឋកិច្ចពិភពលោក។
មូលនិធិរូបិយវត្ថុអន្តរជាតិបានឲ្យដឹងនៅក្នុងរបាយការណ៍មួយក្នុងខែមករាថា ការចំណាយរយៈពេលវែងនៃការបែងចែកពាណិជ្ជកម្ម អាចឡើងដល់ ៧ភាគរយនៃទិន្នផលសកល ហើយប្រទេសមួយចំនួនអាចបាត់បង់រហូតដល់ ១២ ភាគរយនៃផលិតផលក្នុងស្រុកសរុប ក្នុងករណីមានការថយចុះផ្នែកបច្ចេកវិទ្យាបន្ថែម។
សហរដ្ឋអាមេរិក បាននិងកំពុងព្យាយាមធ្វើឲ្យសេដ្ឋកិច្ចចិន មានគ្រោះថ្នាក់តាមរយៈមធ្យោបាយផ្សេងៗរួមទាំងសង្គ្រាមពាណិជ្ជកម្ម ប៉ុន្តែចិន-អាមេរិក ដែលកំពុងតែកើនឡើង។ លោក Kazuteru Saionji សាស្ត្រាចារ្យនៅសាកលវិទ្យាល័យអន្តរជាតិ Higashi Nippon បានប្រាប់ស៊ីនហួ ក្នុងបទសម្ភាសន៍នាពេលថ្មីៗនេះថា ការធ្វើពាណិជ្ជកម្មដោយខ្លួនវាបង្ហាញថា អាជីវកម្មរបស់សហរដ្ឋអាមេរិក និងប្រជាជនត្រូវការពាណិជ្ជកម្ម ជាមួយប្រទេសចិន។
លោកសាស្ត្រាចារ្យបានកត់សម្គាល់ថា “តាមរយៈការអូសប្លុក G7 ដើម្បីគាបសង្កត់ប្រទេសចិន ក្រោមលេសនៃការបញ្ឈប់ហានិភ័យនៅពេលនេះ ប្រទេសនេះ កំពុងប្រព្រឹត្តអំពើឃោរឃៅដោយចេតនាធ្វើឱ្យប៉ះពាល់ដល់ពាណិជ្ជកម្មសេរី និងការបែងចែកសេដ្ឋកិច្ចពិភពលោកនៃប្រព័ន្ធការងារ”។
ប៉ុន្មានឆ្នាំថ្មីៗនេះបានឃើញ G7 ដែលត្រូវបានគេស្គាល់ថាជា “ក្លឹបអ្នកមាន” ទទួលរងនូវការថយចុះ ដែលមិនអាចត្រឡប់វិញនៃអំណាចជាតិ។ កាសែតជប៉ុន Nihon Keizai Shimbun បានរាយការណ៍ថា ចំណែករបស់ G7 នៃសេដ្ឋកិច្ចពិភពលោកបានធ្លាក់ចុះពីជិត ៧០ ភាគរយក្នុងទសវត្សរ៍ឆ្នាំ 1980 មកនៅត្រឹមប្រហែល ៤០ ភាគរយនាពេលបច្ចុប្បន្ន ដែលបង្ហាញថា គ្មានសញ្ញានៃការឈប់ធ្លាក់ចុះនោះទេ៕
ប្រែសម្រួល ឈូក បូរ៉ា
