ហ្គាហ្សា៖ អ៊ីស្រាអែល កំពុងបង្កើនការទម្លាក់គ្រាប់បែកលើតំបន់ហ្គាហ្សា ចំពេលមានការអំពាវនាវឱ្យមានបទឈប់បាញ់គ្នាក្នុងជម្លោះអ៊ីស្រាអែល និងក្រុមហាម៉ាសដែលបានឆក់យកជីវិតប្រជាជនប៉ាឡេស្ទីនជាង ១៨,៨០០ នាក់នៅតំបន់ហ្គាហ្សា។
អង្គការសុខភាពពិភពលោក (WHO) បានព្រមាននៅក្នុងសេចក្តីថ្លែងការណ៍មួយថា មន្ទីរពេទ្យ Al Shifa នៅភាគខាងជើងតំបន់ហ្គាហ្សា ដែលជាមជ្ឈមណ្ឌលវេជ្ជសាស្ត្រដ៏ធំបំផុតរបស់ឧបទ្វីបនេះនៅមុនសង្គ្រាមនោះ បច្ចុប្បន្នមានមុខងារតិចតួចបំផុត ហើយចាំបាច់ត្រូវចាប់ផ្តើមឡើងវិញជាបន្ទាន់ យ៉ាងហោចណាស់ប្រតិបត្តិការជាមូលដ្ឋាន ដើម្បីបន្តបម្រើមនុស្សរាប់ពាន់នាក់ត្រូវការការថែទាំសុខភាពសង្គ្រោះជីវិត។
ក្រុមរួមគ្នាមួយមកពីអង្គការសហប្រជាជាតិ និងអង្គការសុខភាពពិភពលោក បានទៅសួរសុខទុក្ខមន្ទីរពេទ្យ ហើយបានពណ៌នាផ្នែកសង្គ្រោះបន្ទាន់របស់ខ្លួនថាជា “កន្លែងបង្ហូរឈាមជាមួយនឹង អ្នកជំងឺរាប់រយនាក់ ដែលរងរបួសនៅខាងក្នុង និងអ្នកជំងឺថ្មីបានមកដល់រៀងរាល់នាទី” ។
យោងតាមក្រុមគ្រូពេទ្យបានឱ្យដឹងថា អ្នកជំងឺដែលមានរបួសស្នាមរបួសកំពុងត្រូវបានដេរនៅលើឥដ្ឋដែលមានមនុស្សច្រើន ដោយមានកម្រិត ឬគ្មានការគ្រប់គ្រងការឈឺចាប់ទាល់តែសោះ។
សេចក្តីថ្លែងការណ៍បានកត់សម្គាល់ថា “មនុស្សរាប់ម៉ឺននាក់ត្រូវបានផ្លាស់ទីលំនៅកំពុងប្រើប្រាស់អគារមន្ទីរពេទ្យ និងកន្លែងសម្រាប់ជំរក ហើយមាន ការខ្វះខាតយ៉ាងខ្លាំង នៃទឹកផឹក អាហារ និងថ្នាំពេទ្យ”។
អង្គភាពអ្នកនាំពាក្យកងកម្លាំងការពារអ៊ីស្រាអែល (IDF) បានរាយការណ៍ នៅក្នុងបច្ចុប្បន្នភាពមួយថា ការប្រយុទ្ធគ្នាយ៉ាងធ្ងន់ធ្ងរបានកើតឡើងនៅទូទាំងតំបន់ហ្គាហ្សា ដោយកងកម្លាំងអ៊ីស្រាអែល បានវាយប្រហារជាង ២០០ទីតាំងកាលពីថ្ងៃមុន៕ ប្រែសម្រួល ឈូក បូរ៉ា
