បរទេស៖យោងតាមការ ចេញផ្សាយ របស់ NBC បានរាយការណ៍ កាលពីថ្ងៃពុធថា ប្រធានាធិបតី Xi Jinpingបានធ្វើការបង្ហាញ អំពីផែនការប្រទេសចិន ដែលមានបំណង បង្រួបបង្រួម ជាមួយកោះតៃវ៉ាន់ ឡើងវិញទៅកាន់ប្រធានាធិបតី អាមេរិក Joe Biden ដោយបើកចំហ ក្នុងអំឡុងពេលកិច្ចប្រជុំកំពូល របស់ពួកគេនៅទីក្រុង San Francisco កាលពីក្នុងខែវិច្ឆិកា ។
រដ្ឋាភិបាលទីក្រុងប៉េកាំងនៅតែចង់ ដំណើរការ ផែនការនេះដោយសន្តិវិធី មេដឹកនាំចិនបាននិយាយ នៅក្នុងកិច្ចប្រជុំមួយ ដែលមានការចូលរួមដោយមន្ត្រីអាមេរិក និងចិនរាប់សិបនាក់ ដោយបន្ថែមថាទីក្រុងប៉េកាំង ក៏បានព្រមានក្រុងវ៉ាស៊ីនតោន ប្រឆាំងនឹងការជ្រៀតជ្រែកក្នុងដំណើរ ការនេះផងដែរ។
ក្នុងអំឡុងពេលសន្ទនា លោក Xi បង្ហាញមិនច្បាស់លាស់ទេថា មើលទៅវាដូចជាការប្រឈមមុខ ដាក់គ្នានេះបើយោង តាមអតីតមន្ត្រីអាមេរិកបីនាក់ និងបច្ចុប្បន្នបានប្រាប់ NBC ។ មេដឹកនាំចិនក៏ត្រូវបានគេរាយការណ៍ថាបានសម្តែងការព្រួយបារម្ភរបស់លោកអំពីបេក្ខជនឈរឈ្មោះសម្រាប់តំណែង ប្រធានាធិបតីកោះនេះ ក្នុងការបោះឆ្នោតខាងមុខដែរ។
កន្លងមក រដ្ឋាភិបាលទីក្រុងប៉េកាំង បានប្រតិកម្មយ៉ាងខ្លាំង ចំពោះការអត្ថាធិប្បាយ របស់អ្នកនយោបាយគាំទ្រ ឯករាជ្យរបស់កោះតៃវ៉ាន់មួយចំនួន មុនពេលការបោះឆ្នោត ដែលគ្រោងធ្វើនៅខែក្រោយ៕
ប្រែសម្រួល៖ស៊ុនលី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
