ហេតុអ្វីបានជា សហរដ្ឋអាមេរិក មិនសម្រេចបានលទ្ធផល ច្បាស់លាស់នៅក្នុង សង្គ្រាមអ៊ីរ៉ង់?
គ៊ែរ៖ បើទោះបីជាមានការអួតអាង ដោយពាក្យសំដីអំពីជ័យជម្នះ និងអ្វីដែលហៅថាឧត្តមភាពអាវុធក៏ដោយ សហរដ្ឋអាមេរិកបានតស៊ូ ដើម្បីសម្រេចបានលទ្ធផលច្បាស់លាស់ នៅក្នុងជម្លោះដែលកំពុងបន្តជាមួយអ៊ីរ៉ង់ ខណៈដែលសង្គ្រាមក្នុងតំបន់ខិតជិត ដល់សញ្ញាអូសបន្លាយមួយខែ។
អ្នកវិភាគឧ្យដឹងថា ខណៈដែលទីក្រុងវ៉ាស៊ីនតោន រក្សាបាននូវគុណសម្បត្តិច្បាស់លាស់ ក្នុងកម្លាំងបាញ់ កង្វះយុទ្ធសាស្ត្រស៊ីសង្វាក់គ្នា ការកើនឡើងនៃការបែកបាក់ជា មួយសម្ព័ន្ធមិត្តរបស់ខ្លួន និងការមើលស្រាលភាពធន់ របស់ស្ថាប័នអ៊ីរ៉ង់ បានរារាំងមហាអំណាចតែមួយគត់ របស់ពិភពលោកមួយនេះ ពីការសម្រេចបានលទ្ធផលដែលខ្លួនរំពឹងទុកនៅដើមដំបូង។
លោក Mohamed Mohsen Abo El-Nour ប្រធានវេទិកាអារ៉ាប់ សម្រាប់ការវិភាគគោលនយោបាយអ៊ីរ៉ង់ ដែលមានមូលដ្ឋាននៅទីក្រុងគែរ បានឧ្យដឹងថា សង្គ្រាមនេះបានបង្ហាញពី “ឧត្តមភាពយោធារបស់សហរដ្ឋអាមេរិក ប៉ុន្តែអសមត្ថភាពក្នុងការផ្លាស់ប្តូរគុណសម្បត្តិនេះទៅជាដំណោះស្រាយនយោបាយ ឬយុទ្ធសាស្ត្រដ៏ម៉ឺងម៉ាត់” ។
អត្ថបទវិចារណកថាថ្មីៗនេះរបស់កាសែត The New York Times ដែលមានចំណងជើងថា Trump Can’t Spin His Way Out of This War បានឧ្យដឹងថា ប្រធានាធិបតីលោក ដូណាល់ ត្រាំ បានធ្វើសង្គ្រាមប្រឆាំងនឹងអ៊ីរ៉ង់ ដោយមិនបានពន្យល់ពីយុទ្ធសាស្ត្ររបស់លោកដល់ប្រជាជនអាមេរិក ឬពិភពលោក” ដោយបន្ថែមថា “ឥឡូវនេះវាហាក់ដូចជាលោកប្រហែលជាមិន មានយុទ្ធសាស្ត្រច្រើនទាល់តែសោះ”។
ដោយបន្ទរទស្សនៈនេះ អ្នកជំនាញអេហ្ស៊ីប ស្តីពីកិច្ចការឈូងសមុទ្រ និងនយោបាយអ៊ីរ៉ង់ លោក Abu-Bakr Al-Desouky បានឧ្យដឹងថា “សូចនាករទាំងអស់ចង្អុលបង្ហាញពីអវត្តមាន នៃយុទ្ធសាស្ត្រច្បាស់លាស់” ដោយបង្ហាញពីភាពផ្ទុយគ្នាយ៉ាងខ្លាំងរវាងការពិត និងសេចក្តីថ្លែងការណ៍របស់លោក ត្រាំ ដែលបានអះអាងម្តងហើយម្តងទៀតអំពីភាពជោគជ័យ និងសមិទ្ធផលសំខាន់ៗនៅលើសមរភូមិ។
ចាប់តាំងពីការវាយប្រហាររបស់សហរដ្ឋអាមេរិក-អ៊ីស្រាអែលលើអ៊ីរ៉ង់ កាលពីខែមុន ប្រទេសនេះបានស៊ូទ្រាំនឹងការខាតបង់ ប៉ុន្តែបានជៀសវាងការខូចខាតដ៏មហន្តរាយដែលដំបូងឡើយត្រូវបានអះអាងដោយទីក្រុងវ៉ាស៊ីនតោន និងអ៊ីស្រាអែល។
ដោយបន្តវាយប្រហារតបវិញ ការវាយប្រហារសងសឹករបស់អ៊ីរ៉ង់ បានបណ្តាលឱ្យខូចខាតដល់ទ្រព្យសម្បត្តិរបស់អ៊ីស្រាអែល និងសហរដ្ឋអាមេរិក ដែលជំរុញឱ្យសហរដ្ឋអាមេរិក ដាក់ពង្រាយកងកម្លាំងបន្ថែមដើម្បីរក្សាការប្រឈមមុខដាក់គ្នាជាមួយទីក្រុងតេអេរ៉ង់។
លោក Al-Desouky ក៏បានសួរអំពីហេតុផលមូលដ្ឋាននៃសង្គ្រាម ដោយពណ៌នាថាវាខ្វះមូលដ្ឋាននយោបាយ ឬសីលធម៌ច្បាស់លាស់ ហើយបានអះអាងថាគោលបំណងរបស់ទីក្រុងវ៉ាស៊ីនតោននៅតែមិនច្បាស់លាស់ និងមិនស៊ីសង្វាក់គ្នា។
លោកបានបន្ថែមថា “អ៊ីរ៉ង់មិនបានបង្កការគំរាមកំហែងដោយផ្ទាល់ដល់សហរដ្ឋអាមេរិកនោះទេ ហើយវាថែមទាំងបានផ្តល់សម្បទានដែលមិនធ្លាប់មានពីមុនមកក្នុងអំឡុងពេលចរចាដែលសម្របសម្រួលដោយអូម៉ង់ចុងក្រោយបំផុត ប៉ុន្តែទីក្រុងវ៉ាស៊ីនតោន មិនបានចរចាដោយភាពបត់បែន ឬដោយសុច្ឆន្ទៈល្អនោះទេ”៕
