លោក Trump លើកឡើងថាសង្គ្រាមនៅអ៊ីរ៉ង់ គឺជាការវិនិយោគសម្រាប់ក្មេងៗ ជំនាន់ក្រោយរបស់អាមេរិក
បរទេស ៖ យោងតាមការចេញផ្សាយរបស់ RT ប្រធានាធិបតីអាមេរិក លោក Donald Trump បានហៅសង្រ្គាមលើប្រទេសអ៊ីរ៉ង់ថា ជាការបណ្តាក់ទុន លើអនាគតរបស់កុមារអាមេរិក ខណៈដែលលោកបានថ្លែងសុន្ទរកថាលើកដំបូងទៅកាន់ប្រទេសជាតិ ចាប់តាំងពីការចាប់ផ្តើមនៃជម្លោះកាលពីមួយខែមុន។
នៅក្នុងសុន្ទរកថារបស់លោកកាលពីថ្ងៃពុធ លោក Trump បានអះអាងថា ទីក្រុងវ៉ាស៊ីនតោនមិនដែលស្វែងរកការផ្លាស់ប្តូររបបក្នុងទីក្រុង Tehran ឡើយ ដោយគោលដៅរបស់វាគឺការបំផ្លាញកងទ័ពជើងទឹក និងទ័ពអាកាសរបស់អ៊ីរ៉ង់ ហើយបានបំផ្លាញសមត្ថភាពបង្កើតអាវុធនុយក្លេអ៊ែរ។ លោកបានទទូចថា៖គោលបំណងយុទ្ធសាស្ត្រស្នូលទាំងនេះជិតនឹងបញ្ចប់ហើយ។
លោក Trump បាននិយាយថាក្នុងអំឡុងពេល ៣២ថ្ងៃនៃការប្រយុទ្ធគ្នាចាប់តាំងពីសហរដ្ឋអាមេរិក និងអ៊ីស្រាអែលបានចាប់ផ្តើមការវាយប្រហាររបស់ពួកគេ អ៊ីរ៉ង់ត្រូវបានដកចេញ ហើយពិតជាមិនមែនជាការគំរាមកំហែងទៀតទេ… នេះជាការវិនិយោគពិតប្រាកដចំពោះកូន និងអនាគតចៅរបស់អ្នក។
លោកបានបន្ថែមថា ការប្រយុទ្ធនឹងបន្តក្នុងរយៈពេលពីរទៅបីសប្តាហ៍ខាងមុខ រហូតដល់គោលដៅរបស់សហរដ្ឋអាមេរិកត្រូវបានសម្រេចបានពេញលេញ។
លោក Trump ជាថ្មីម្តងទៀតបានព្រមានអាជ្ញាធរនៅទីក្រុង Tehran ថា ៖ប្រសិនបើគ្មានកិច្ចព្រមព្រៀងទេ យើងនឹងវាយប្រហាររោងចក្រផលិតអគ្គិសនីរបស់ពួកគេម្នាក់ៗយ៉ាងខ្លាំង ហើយប្រហែលជាក្នុងពេលដំណាលគ្នា៕
ប្រែសម្រួល៖ស៊ុនលី
