ស្ថាបនិកមូលនិធិមនុស្សធម៍ ដ៏ល្បីអះអាងថា សង្គ្រាមនៅអ៊ីរ៉ង់ នឹងបង្កឲ្យកើតជាវិបត្តិអត់ឃ្លាន នៅទូទាំងសកលលោក
បរទេស ៖ យោងតាមការចេញផ្សាយរបស់ RT ស្ថាបនិកមូលនិធិ World Central Kitchen (WCK) លោក Jose Andres បានព្រមានថា ការរំខានដល់ការផ្គត់ផ្គង់ជី ដែលបង្កឡើងដោយសង្គ្រាមអាមេរិក និងអ៊ីស្រាអែលលើប្រទេសអ៊ីរ៉ង់ ហានិភ័យដែលបង្កឱ្យមានវិបត្តិ ស្បៀងអាហាររយៈពេលជាច្រើន ឆ្នាំនៅទូទាំងពិភពលោក។
ភាពតានតឹងនៅជុំវិញច្រកសមុទ្រ Hormuz បានជំរុញឱ្យតម្លៃថាមពលកើន ឡើងរួចហើយ និងបានធ្វើឱ្យសេដ្ឋកិច្ចពិភពលោក មានការរំខានដោយរំខានដល់សរសៃឈាម ពាណិជ្ជកម្មដ៏សំខាន់បំផុតមួយ របស់ពិភពលោក។
ផ្លូវសមុទ្រនេះគ្រប់គ្រងប្រហែលជា២០ភាគរយ នៃការនាំចេញប្រេងឆៅទូទាំងពិភពលោក ប៉ុន្តែវាក៏សំខាន់ផងដែរសម្រាប់ការនាំចេញជីកសិកម្ម។
ថ្លែងទៅកាន់កាសែត The Guardian កាលពីថ្ងៃព្រហស្បតិ៍ លោក Andres បាននិយាយថា ការពន្យារពេលក្នុងការចែកចាយជីប្រថុយ នឹងការបាត់សកម្មភាពដាំដំណាំសំខាន់ៗ ដោយកាត់បន្ថយទិន្នផលក្នុងការប្រមូលផលជាបន្តបន្ទាប់ និងជំរុញឱ្យមានប្រតិកម្មសង្វាក់នៃទិន្នផលទាប និងតម្លៃអាហារខ្ពស់ជាងមុន ។
ជាក់ស្តែងជម្លោះនេះក៏បាននាំឱ្យមានការបិទរោងចក្រជីនៅទូទាំងឈូងសមុទ្រ ដែលធ្វើឱ្យការផ្គត់ផ្គង់កាន់តែតានតឹងឡើង។ ជីអាសូតមានចំនួនច្រើនបំផុតនៃការប្រើប្រាស់ជាសាកល និងគាំទ្រប្រហែល ពាក់កណ្តាលនៃផលិតកម្មអាហាររបស់ពិភពលោក។ ជាមួយនឹងឈូងសមុទ្រ ដើរតួជាមជ្ឈមណ្ឌល នាំចេញដ៏សំខាន់ ការរំខានដល់ផ្លូវសមុទ្រ បានធ្វើឱ្យមានការខ្វះខាតកាន់តែខ្លាំង ក្នុងអំឡុងពេលរដូវដាំដុះផងដែរ៕
ប្រែសម្រួល៖ស៊ុនលី
