អធិការបតីអាល្លឺម៉ង់ បញ្ជាក់ថា ទំនាក់ទំនងជាមួយលោក ត្រាំ នៅតែល្អ ទោះបីជាមានការតានតឹង ជុំវិញបញ្ហាអ៊ីរ៉ង់
ប៊ែរឡាំង៖ អធិការបតីអាល្លឺម៉ង់លោក Friedrich Merz បានឧ្យដឹងថា ទំនាក់ទំនងផ្ទាល់ខ្លួន របស់លោកជាមួយប្រធានាធិបតី អាមេរិកលោក ដូណាល់ ត្រាំ នៅតែល្អទោះបីជាមានការផ្លាស់ប្តូរ វោហាសាស្ត្រយ៉ាងខ្លាំងទាក់ទងនឹងសង្គ្រាមនៅអ៊ីរ៉ង់ក៏ដោយ។
ថ្លែងនៅក្នុងសន្និសីទសារព័ត៌មានមួយនៅទីក្រុងប៊ែរឡាំង លោក Merz បានឧ្យដឹងថា លោក និងលោក ត្រាំ នៅតែមានទំនាក់ទំនងល្អ ដោយបន្ថែមថា លោកគ្រាន់តែមានការសង្ស័យតាំងពីដើមដំបូងទាក់ទងនឹងសកម្មភាព ដែលបានចាប់ផ្តើមជាមួយសង្គ្រាម។
លោក Merz បានអំពាវនាវឱ្យមានដំណោះស្រាយរហ័ស ចំពោះជម្លោះនៅអ៊ីរ៉ង់ ខណៈដែលអាល្លឺម៉ង់ និងអឺរ៉ុបកំពុងរងទុក្ខយ៉ាងខ្លាំងពីផលវិបាកនៃជម្លោះ។
កាលពីដើមសប្តាហ៍នេះ លោក Merz បានរិះគន់សហរដ្ឋអាមេរិក ចំពោះការចូលរួមយោធា «ដែលគ្មានផែនការ» របស់ខ្លួននៅក្នុងប្រទេសអ៊ីរ៉ង់ ដោយថា សហរដ្ឋអាមេរិក «កំពុងត្រូវបានថ្នាក់ដឹកនាំអ៊ីរ៉ង់ធ្វេីឧ្យអាម៉ាស់»។
ជាការឆ្លើយតប លោក ត្រាំ បានសរសេរនៅលើបណ្តាញសង្គមកាលពីថ្ងៃអង្គារថា លោក Merz មិនដឹងថាលោកកំពុងនិយាយអ្វីទេ ហើយព្រងើយកន្តើយ ចំពោះមហិច្ឆតានុយក្លេអ៊ែររបស់អ៊ីរ៉ង់៕
ប្រែសម្រួល ឈូក បូរ៉ា
