គុយបា ច្រានចោលការអះអាង របស់លោក Rubio អំពីការផ្តល់ជំនួយមនុស្សធម៌ របស់សហរដ្ឋអាមេរិក
ហាវ៉ាណា៖ ប្រទេសគុយបាបានបដិសេធ ការកត់សម្គាល់របស់រដ្ឋមន្ត្រីការបរទេសអាមេរិក លោក Marco Rubio អំពីការផ្តល់ជូនជំនួយមនុស្សធម៌ចំនួន ១០០លានដុល្លាររបស់សហរដ្ឋអាមេរិក ដល់ប្រទេសកោះនេះ។
រដ្ឋមន្ត្រីការបរទេសគុយបា លោក Bruno Rodriguez បានឧ្យដឹងនៅលើបណ្ដាញសង្គម X ថា លោក Rubio បានប្រឌិតការអះអាងនេះ ដើម្បីបង្ហាញអំពីភាពត្រឹមត្រូវ នៃសកម្មភាពរបស់ទីក្រុងវ៉ាស៊ីនតោន ប្រឆាំងនឹងគុយបា។
លោក Rubio បានប្រាប់អ្នកយកព័ត៌មានកាលពីថ្ងៃសុក្រថា សហរដ្ឋអាមេរិកបានផ្តល់ជំនួយមនុស្សធម៌ចំនួន ៦លានដុល្លារដល់ប្រទេសគុយបា តាមរយៈ Caritas ដែលជាទីភ្នាក់ងារព្រះវិហារកាតូលិក ហើយបានផ្តល់ជំនួយចំនួន ១០០លានដុល្លារដល់រដ្ឋាភិបាលគុយបា ប៉ុន្តែខ្កួនបានបដិសេធមិនចែកចាយវា។
លោក Rodriguez បានសរសេរថា “តើពួកគេបានទៅណា? តើគាត់នឹងប្រើប្រាស់ពួកគេសម្រាប់អ្វី?” ដោយបដិសេធការអះអាងនេះ។
លោក Rodriguez បានលេីកឡេីងថា អ្វីដែលត្រូវបានគេស្គាល់ជាសាធារណៈគឺប្រាក់រាប់ពាន់លានដុល្លារដែលសង្គ្រាមសេដ្ឋកិច្ចរបស់សហរដ្ឋអាមេរិក កំពុងធ្វើឱ្យប្រទេសគុយបាខាតបង់។
លោក Rodriguez បានបន្ថែមថា «លោកក៏បានដឹងយ៉ាងច្បាស់អំពីការខូចខាតយ៉ាងធ្ងន់ធ្ងរដល់មនុស្សជាតិ ដែលបណ្តាលមកពីសង្គ្រាមនោះ និងការរឹតបន្តឹងទាក់ទងនឹងប្រាក់ចំណូល បច្ចេកវិទ្យា អាហារ ឥន្ធនៈ និងថ្នាំពេទ្យដែលទីក្រុងវ៉ាស៊ីនតោនបានដាក់»៕
ប្រែសម្រួល ឈូក បូរ៉ា
