ប្រមុខអង្គការសហប្រជាជាតិ ជំរុញឱ្យមានការអត់ធ្មត់ជាអតិបរមា ដើម្បីជៀសវាងការកើនឡើងបន្ថែមទៀត នូវភាពតានតឹងនៅច្រកសមុទ្រហ័រមូស
អង្គការសហប្រជាជាតិ៖ អ្នកនាំពាក្យអង្គការសហប្រជាជាតិម្នាក់បានឧ្យដឹងថា អគ្គលេខាធិការអង្គការសហប្រជាជាតិ លោក Antonio Guterres ជំរុញឱ្យគ្រប់ភាគីទាំងអស់អនុវត្តការអត់ធ្មត់ជាអតិបរមា ដើម្បីជៀសវាងការកើនឡើងនូវភាពតានតឹងបន្ថែមទៀត បន្ទាប់ពីការបាញ់ប្រហារគ្នានៅច្រកសមុទ្រហ័រមូស។
លោក Farhan Haq អ្នកនាំពាក្យរងរបស់ប្រមុខអង្គការសហប្រជាជាតិ បានឧ្យដឹងនៅក្នុងសន្និសីទសារព័ត៌មានប្រចាំថ្ងៃថា អគ្គលេខាធិការមានការព្រួយបារម្ភ ចំពោះការបាញ់ប្រហារគ្នាថ្មីៗនេះនៅច្រកសមុទ្រហ័រមូស។
លោកបានលេីកឡេីងថា អគ្គលេខាធិការអំពាវនាវឱ្យគ្រប់ភាគីទាំងអស់គោរពតាមបទឈប់បាញ់យ៉ាងពេញលេញ និងជៀសវាងសកម្មភាពណាមួយដែលអាចនាំឱ្យមានការកើនឡើងឡើងវិញ ឬធ្វើឱ្យខូចដល់កិច្ចខិតខំប្រឹងប្រែងការទូតដែលកំពុងបន្ត។
គួរបញ្ជាក់ថា កងកម្លាំងសហរដ្ឋអាមេរិក និងអ៊ីរ៉ង់ បានបាញ់ប្រហារគ្នាកាលពីថ្ងៃព្រហស្បតិ៍ ក្នុងនោះយោធាសហរដ្ឋអាមេរិកបានឧ្យដឹងថា វាជាសកម្មភាព “ការពារខ្លួន” ខណៈពេលដែលទីក្រុងតេអេរ៉ង់ បានចោទប្រកាន់ទីក្រុងវ៉ាស៊ីនតោន ថាបានរំលោភលើបទឈប់បាញ់ដែលបានចូលជាធរមាននៅថ្ងៃទី៨ ខែមេសា៕
ប្រែសម្រួល ឈូក បូរ៉ា
