លោក Trump ប្តេជ្ញាចិត្តថា អាមេរិកត្រូវតែគ្រប់គ្រង សារធាតុចម្រាញ់អ៊ុយរ៉ាញ៉ូម របស់អ៊ីរ៉ង់ជាដាច់ខាត
បរទេស ៖ យោងតាមការចេញផ្សាយរបស់ RT ប្រធានាធិបតីអាមេរិក លោក Donald Trump បាននិយាយថា ទីក្រុងវ៉ាស៊ីនតោន នឹងត្រូវតែគ្រប់គ្រងឃ្លាំងផ្ទុកសារ ធាតុអ៊ុយរ៉ាញ៉ូមដែលចម្រាញ់រួចរាល់របស់អ៊ីរ៉ង់នៅពេលណាមួយ ដោយនិយាយឡើងវិញនូវការទាមទារដ៏សំខាន់មួយ របស់គាត់នៅក្នុងកិច្ចចរចាសន្តិភាព។
នៅក្នុងបទសម្ភាសន៍មួយដែលបានចាក់ផ្សាយ កាលពីថ្ងៃអាទិត្យ អ្នកកាសែត Sharyl Attkisson បានសួរលោក Trump ថាតើសង្រ្គាមជាមួយសាធារណរដ្ឋអ៊ីស្លាម ឈានដល់ដំណាក់កាលណាហើយ ដោយពិចារណាថាសហរដ្ឋអាមេរិក មិនទាន់ទទួលបានសម្ភារៈប្រេះស្រាំ របស់អ៊ីរ៉ង់នៅឡើយ។
លោកបានមានប្រសាសន៍ថាយើងនឹងទទួល បានវានៅពេលណាមួយ អ្វីដែលយើងចង់បាន។យើងបានត្រួតពិនិត្យវា អ្នកដឹងទេ ខ្ញុំបានធ្វើរឿងមួយដែលគេហៅថា Space Force បើអ្នកណាម្នាក់បានទៅជិតកន្លែងនោះ យើងនឹងដឹងអំពីវា ហើយយើងនឹងបំផ្ទុះវា។
សហរដ្ឋអាមេរិក និងអ៊ីស្រាអែល បានបើកការ វាយប្រហាររបស់ពួកគេនៅចុងខែកុម្ភៈ ដោយបានកំណត់សង្រ្គាម ជាមធ្យោបាយ មួយដើម្បីរារាំងការអភិវឌ្ឍអាវុធ នុយក្លេអ៊ែររបស់ទីក្រុងតេហរ៉ង់។
នៅក្នុងសំណើចុងក្រោយរបស់ខ្លួន ទីក្រុងវ៉ាស៊ីនតោន បានទម្លាក់ការទាមទារ របស់ខ្លួនទ្វេដងដែលថា អ៊ីរ៉ង់សន្យាថានឹងមិនអភិវឌ្ឍអាវុធ បែបនេះ បញ្ឈប់រាល់សកម្មភាពចម្រាញ់ និងបោះបង់ចោលឃ្លាំងផ្ទុកសារ ធាតុអ៊ុយរ៉ានីញ៉ូមកម្រិតខ្ពស់របស់ខ្លួនផងដែរ៕
ប្រែសម្រួល៖ស៊ុនលី
