លោក ដូណាល់ ត្រាំ បដិសេធថា នឹងមិនមានភាពតានតឹងប្រឆាំងនឹងប្រទេសគុយបានោះទេ បន្ទាប់ពីការចោទប្រកាន់លោក Raul Castro
វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានឧ្យដឹងថា «នឹងមិនមានការកើនឡើងនៃភាពតានតឹង» ប្រឆាំងនឹងប្រទេសគុយបានោះទេ បន្ទាប់ពីរដ្ឋអាជ្ញា សហព័ន្ធអាមេរិក បានចោទប្រកាន់មេដឹកនាំបដិវត្តន៍គុយបា លោក Raul Castro និងនាវាផ្ទុកយន្តហោះអាមេរិកមួយគ្រឿង បានមកដល់តំបន់ការ៉ាប៊ីន។
លោក ត្រាំ បានប្រាប់អ្នកយកព័ត៌មានថា «នឹងមិនមានការកើនឡើងនៃភាពតានតឹងទេ។ ខ្ញុំមិនគិតថា ចាំបាច់ត្រូវមាននោះទេ»។ លោកក៏បានបញ្ជាក់ជាថ្មី នូវអ្វីដែលលោកបាននិយាយពីមុនថា សហរដ្ឋអាមេរិក កំពុង «ដោះលែងប្រទេសគុយបា»។
ការកត់សម្គាល់របស់លោក ត្រាំ ក៏បានកើតឡើងបន្ទាប់ពីបញ្ជាការភាគខាងត្បូងសហរដ្ឋអាមេរិកបានប្រកាសថា ក្រុមវាយប្រហារនាវា ផ្ទុកយន្តហោះ Nimitz ដែលរួមមាននាវាផ្ទុកយន្តហោះ និងនាវាពិឃាតមីស៊ីល នាំផ្លូវយ៉ាងហោចណាស់មួយគ្រឿង បានមកដល់តំបន់សមុទ្រការ៉ាប៊ីន។
បញ្ជាការបានឧ្យដឹងនៅក្នុងសារមួយនៅលើ X ឧ្យដឹងថា នាវាផ្ទុកយន្តហោះ USS Nimitz (CVN 68) កងពលទ័ពអាកាសលេខ ១៧ (CVW-17) នាវា USS Gridley (DDG 101) និងនាវា USNS Patuxent (T-AO 201) គឺជាគំរូនៃការត្រៀមខ្លួន និងវត្តមាន ការទៅដល់ និងភាពសាហាវដែលមិនអាចប្រៀបផ្ទឹមបាន និងគុណសម្បត្តិជាយុទ្ធសាស្ត្រ។
នៅថ្ងៃពុធ គណៈវិនិច្ឆ័យធំ មកពីតុលាការស្រុកសហរដ្ឋអាមេរិក សម្រាប់ស្រុកភាគខាងត្បូង នៃរដ្ឋផ្លរីដា បានចោទប្រកាន់ លោក Raul Castro ចំពោះតួនាទី ដែលត្រូវបានចោទប្រកាន់របស់លោក ក្នុងការបញ្ជាឱ្យបាញ់ ទម្លាក់យន្តហោះពីរគ្រឿង ដែលដំណើរការដោយក្រុមនិរទេសខ្លួនគុយបា នៅសហរដ្ឋអាមេរិក ដែលមានឈ្មោះថា “Brothers to the Rescue” ក្នុងឆ្នាំ១៩៩៦។ គួរបញ្ជាក់ថា លោក Castro កើតនៅខែមិថុនា ឆ្នាំ១៩៣១ បានបម្រើការជារដ្ឋមន្ត្រី កងកម្លាំងប្រដាប់អាវុធ បដិវត្តន៍គុយបា នៅពេលកើតហេតុ៕
ប្រែសម្រួល ឈូក បូរ៉ា
