ចំនួនអ្នកស្លាប់ ដោយសារគ្រោះរញ្ជួយដី នៅវេណេស៊ុយអេឡា កើនឡើងដល់ ៤.១១៨ នាក់
ការ៉ាកាស៖ ចំនួនអ្នកស្លាប់ដោយសារគ្រោះរញ្ជួយដីនៅថ្ងៃទី ២៤ ខែមិថុនា នៅប្រទេសវេណេស៊ុយអេឡា បានកើនឡើងដល់ ៤.១១៨ នាក់ ខណៈដែលក្រុមអ្នកជួយសង្គ្រោះបន្តបោសសម្អាតគំនរបាក់បែកនៅក្នុងតំបន់ដែលរងគ្រោះខ្លាំងបំផុត។
ចំនួនអ្នករងរបួសនៅតែមានចំនួន ១៦.៧៤០ នាក់ នេះបើយោងតាមតួលេខដែលចេញផ្សាយនៅក្នុងការអាប់ដេតដោយប្រធានរដ្ឋសភាវេណេស៊ុយអេឡា លោក Jorge Rodriguez។ មនុស្សសរុបចំនួន ៦.៤៦២ នាក់ត្រូវបានជួយសង្គ្រោះ។
ការអាប់ដេតបានឧ្យដឹងថា គ្រួសារចំនួន ៨៦.៧៩៤ បានទទួលជំនួយ ខណៈដែលមនុស្ស ១៧.២៦៦ នាក់កំពុងស្នាក់នៅក្នុងជំរំបណ្ដោះអាសន្នចំនួន ៨៩ កន្លែងទូទាំងប្រទេស។ មនុស្ស ១៧.៩០៧ នាក់ផ្សេងទៀតគ្មានផ្ទះសម្បែងបន្ទាប់ពីផ្ទះរបស់ពួកគេត្រូវបានខូចខាត ឬបំផ្លាញ។
ប្រតិបត្តិការឆ្លើយតបកំពុងបន្តជាមួយបុគ្គលិកចំនួន ៣០.០៧៦ នាក់ អ្នកស្ម័គ្រចិត្តចំនួន ២៩.៨៤៣ នាក់ និងអ្នកជួយសង្គ្រោះអន្តរជាតិចំនួន ៣.៤៥៤ នាក់ដែលត្រូវបានដាក់ពង្រាយនៅទូទាំងប្រទេស។
របាយការណ៍បានឲ្យដឹងថា ប្រទេសវេណេស៊ុយអេឡាបានកត់ត្រាការរញ្ជួយដីបន្ថែមចំនួន ១១៧១ដងចាប់តាំងពីមានការរញ្ជួយដីពីរលើកមក៕
ប្រែសម្រួល ឈូក បូរ៉ា
