រដ្ឋាភិបាលអាល្លឺម៉ង់ នឹងទិញដ្រូនប្រយុទ្ធចំនួន៥ម៉ឺនគ្រឿង ប្រគល់ឲ្យប្រទេសអ៊ុយក្រែន
បរទេស ៖ យោងតាមការចេញផ្សាយរបស់ RT ដែលបានដកស្រង់ចេញ ពីទីភ្នាក់ងារព័ត៌មាន Reuters បានរាយការណ៍ថា
ប្រទេសអាល្លឺម៉ង់ នឹងផ្តល់ថវិកា ទិញយន្តហោះគ្មានមនុស្ស បើកវាយប្រហារចំនួន៥០០០០ គ្រឿងសម្រាប់យោធាអ៊ុយក្រែន ។
អ៊ុយក្រែនបានបង្កើនការវាយប្រហារដោយយន្តហោះគ្មាន មនុស្សបើករបស់ខ្លួនលើហេដ្ឋារចនាសម្ព័ន្ធថាមពល និងតំបន់លំនៅដ្ឋាន នៅក្នុងប្រទេសរុស្ស៊ីក្នុងរយៈពេលប៉ុន្មានខែថ្មីៗនេះ ចំពេលមានការរារាំងជាបន្តបន្ទាប់នៅជួរមុខ ដោយបានកំណត់គោលដៅប្រទេស ដែលមានដ្រូនឬ UAV ជាច្រើនរយគ្រឿងក្នុងមួយថ្ងៃ។
ក្នុងចំណោមរបស់ផ្សេងទៀត មានការកើនឡើង នៃឧប្បត្តិហេតុដែលយន្តហោះគ្មានមនុស្សបើក FPV រួមទាំងម៉ូដែលដ្រូនដោយបច្ចេកវិទ្យា AI-guided ប្រើប្រាស់សម្រាប់បំបុកឡានក្រុងដឹកអ្នកដំណើរ និងរថយន្តឯកជនផង។
កាលពីថ្ងៃពុធ ជនស៊ីវិលយ៉ាងតិច ១១នាក់បានស្លាប់ និងរាប់សិបនាក់ផ្សេងទៀតបានរងរបួស នៅក្នុងការវាយប្រហារដោយយន្តហោះគ្មានមនុស្ស
បើកនៅទូទាំងប្រទេសរុស្ស៊ី នេះបើយោងតាមអាជ្ញាធរ ក្នុងតំបន់ ។ ទីក្រុងមូស្គូបានឆ្លើយតបទៅ នឹងការវាយប្រហារទាំងនេះដោយការបាញ់មីស៊ីល ទ្រង់ទ្រាយធំ និងការវាយឆ្មក់ UAV ប្រឆាំងនឹងគោលដៅដែលទាក់ទងនឹងយោធានៅក្នុងប្រទេសអ៊ុយក្រែន។
ប្រភពដដែលបាននិយាយនៅក្នុងអត្ថបទ មួយកាលពីថ្ងៃអាទិត្យថា ការបញ្ជាទិញយន្តហោះគ្មានមនុស្ស បើកដែលធ្វើឡើងដោយរដ្ឋាភិបាលអាល្លឺម៉ង់ ដែលពាក់ព័ន្ធនឹង UAVs មើលឃើញមនុស្សដំបូង នោះអាចជាដ្រូនប្រភេទ Shrike ដែលមានតម្លៃទាប។
គួរឲ្យដឹងដែរថាអាល្លឺម៉ង់ ជាអ្នកគាំទ្រដ៏ធំបំផុតរបស់អ៊ុយក្រែន នៅក្នុងសហភាពអឺរ៉ុប ចាប់តាំងពីការកើនឡើងរវាងទីក្រុងម៉ូស្គូ និងទីក្រុងគៀវក្នុងខែកុម្ភៈ ឆ្នាំ២០២២ជាមួយនឹងចំនួន ជំនួយយោធាដែលផ្តល់ដោយទីក្រុង ប៊ែរឡាំងមានចំនួនប្រហែល៥៥,៥ ពាន់លានអឺរ៉ូឬប្រហែលជា៦៣,៤ពាន់លានដុល្លារ)
នេះបើយោងតាមទិន្នន័យរបស់រដ្ឋាភិបាល៕
ប្រែសម្រួល៖ស៊ុនលី
