សហភាពអឹរ៉ុប រិះគន់ចំណាត់ការចុងក្រោយ របស់អ៊ីស្រាអ៊ែល ក្នុងការបោះទីតាំងសាងសង់លំនៅដ្ឋានថ្មី នៅ West Bank
បរទេស ៖ ទីភ្នាក់ងារចិនស៊ិនហួចេញផ្សាយនៅថ្ងៃនេះ បានឲ្យដឹងថា សហភាពអឺរ៉ុប ហៅកាត់ថា EU កាលពីថ្ងៃសុក្របានសម្តែងការព្រួយបារម្ភលើការសម្រេចចិត្តថ្មីៗ របស់អ៊ីស្រាអែល ក្នុងការពង្រីកការតាំងទីលំនៅនៅតំបន់ West Bank ដែលកាន់កាប់ដោយ
ព្រមានថា ការផ្លាស់ប្តូរនេះនឹងធ្វើឱ្យប៉ះពាល់ដល់លទ្ធភាព នៃដំណោះស្រាយរដ្ឋពីរបន្ថែមទៀត។
នៅក្នុងសេចក្តីថ្លែងការណ៍មួយ ដោយទីភ្នាក់ងារសេវាកម្មភាពខាងក្រៅរបស់អឺរ៉ុប (EEAS) បាននិយាយថា ការយល់ព្រមរបស់
អ៊ីស្រាអែលលើការផ្តល់មូលនិធិថ្មី ដ៏សំខាន់សម្រាប់ការពង្រីកការតាំងទីលំនៅនឹង ពង្រឹងការតាំងទីលំនៅបន្ថែមទៀតនៅក្នុងតំបន់
រសើបនៃតំបន់ West Bank ខណៈពេលដែលបង្កើនការបែកបាក់ និងភាពឯកោ នៃសហគមន៍ប៉ាឡេស្ទីន ដែលទុកឱ្យពួកគេ
ប្រឈមនឹងហានិភ័យកាន់តែច្រើន នៃការរំលោភសិទ្ធិមនុស្ស ។
សេចក្តីថ្លែងការណ៍ក៏បានរំលឹកឡើងវិញ នូវការមិនទទួលស្គាល់របស់សហភាពអឺរ៉ុប ចំពោះការសម្រេចចិត្តរបស់អ៊ីស្រាអែល ក្នុងការផ្តល់ឋានៈ
ជាក្រុងដល់ការតាំងទីលំនៅរបស់ Givat Ze’ev នៅ West Bank ។
ប្លុកនេះបានអះអាងជាថ្មី នូវជំហរយូរអង្វែងរបស់ខ្លួនក្នុងការមិនទទួលស្គាល់អធិបតេយ្យភាព របស់អ៊ីស្រាអែលលើទឹកដីដែលបានកាន់កាប់
ចាប់តាំងពីខែមិថុនា ឆ្នាំ១៩៦៧ស្របតាមសេចក្តីសម្រេច របស់ក្រុមប្រឹក្សាសន្តិសុខអង្គការសហប្រជាជាតិ ដែលពាក់ព័ន្ធ។
សេចក្តីថ្លែងការណ៍ក៏បានអំពាវនាវឱ្យអ៊ីស្រាអែលបដិសេធពីការពង្រីកការតាំងទីលំនៅបន្ថែមទៀត ការធ្វើស្របច្បាប់នៃទីតាំងឈរជើង ការ
កាន់កាប់ដី ការរុះរើ ការបណ្តេញចេញ និងវិធានការឯកតោភាគីផ្សេងទៀត ដែលវាបាននិយាយថា ធ្វើឱ្យប៉ះពាល់ដល់លទ្ធភាពជោគជ័យនៃដំណោះ
ស្រាយរដ្ឋទាំងពីរ៕
ប្រែសម្រួល៖ស៊ុនលី
