របាយការណ៍៖ លោក ត្រាំ ប្រញាប់ប្រញាល់ ចាកចេញពីប្រទេសតួកគី បន្ទាប់ពីអ៊ីរ៉ង់គំរាមធ្វើឃាត
បរទេស៖ ប្រធានាធិបតីអាមេរិក លោក ដូណាល់ ត្រាំ បានធ្វើដំណើរដោយយន្តហោះ ដោយសម្ងាត់ចេញពីកិច្ច ប្រជុំកំពូលណាតូកាលពីខែមុន នៅទីក្រុងអង់ការ៉ា ប្រទេសតួកគី ដោយជិះយន្តហោះយោធាជំនួស ខណៈដែលសេតវិមានបានបង្ហាញថា ប្រធានាធិបតីនៃបក្សសាធារណរដ្ឋកំពុងជិះយន្តហោះ Air Force One។ នេះបើយោងតាមរបាយការណ៍មួយដែលចេញផ្សាយដោយ The Washington Post កាលពីថ្ងៃចន្ទ។
យោងតាមសារព័ត៌មាន AP ចេញផ្សាយនៅថ្ងៃទី១១ ខែសីហា ឆ្នាំ២០២៦ថា កាសែត The Washington Post បានផ្សាយថា ការចាកចេញដោយសម្ងាត់នេះត្រូវបានជំរុញដោយការគំរាមកំហែងធ្វើឃាតរបស់អ៊ីរ៉ង់ប្រឆាំងនឹងលោក ត្រាំ។ ល្បិចនេះត្រូវបានអនុវត្ត នៅពេលដែលអ្នកកាសែត និងបុគ្គលិកសេតវិមានមួយចំនួនត្រូវបាននាំឱ្យជឿថា ពួកគេនៅលើយន្តហោះតែមួយ ជាមួយប្រធានាធិបតី នៅពេលដែលលោកបានចាប់ផ្តើមដំណើរ របស់លោកត្រឡប់ទៅទីក្រុងវ៉ាស៊ីនតោនវិញពីការ ជួបជុំប្រចាំឆ្នាំរបស់មេដឹកនាំប្រទេសណាតូ។
កាសែត The Washington Post បានដកស្រង់សម្ភារៈដែលត្រូវបានពិនិត្យដោយកាសែតគឺថា មន្ត្រីអាមេរិកម្នាក់ដែលដឹងពីប្រតិបត្តិការនេះ និងមនុស្សម្នាក់ទៀតដែលដឹងអំពីការធ្វើដំណើររបស់ប្រធានាធិបតី។ សារព័ត៌មាន Associated Press មិនទាន់បានបញ្ជាក់ដោយឯករាជ្យអំពីរបាយការណ៍នេះនៅឡើយទេ។
លោក ត្រាំ បានធ្វើដំណើរដោយយន្តហោះទៅកាន់កិច្ចប្រជុំកំពូលនៅក្នុងយន្តហោះពណ៌ក្រហម ស និងខៀវសមុទ្រថ្មីដែលផ្តល់ដោយប្រទេសកាតា និងបានជួសជុលឡើងវិញ។ ប៉ុន្តែមុនពេលចាកចេញពីប្រទេសតួកគី លោកបាននិយាយថា លោកនឹងហោះហើរពាក់កណ្តាលផ្លូវត្រឡប់ទៅផ្ទះវិញនៅលើយន្តហោះ Air Force One ពណ៌ខៀវចាស់ជំនួសវិញ។
ប្រែសម្រួលៈ ណៃ តុលា
