ចិន អំពាវនាវ ឱ្យមានសកម្មភាពអន្តរជាតិ ដើម្បីបញ្ចប់ជម្លោះ និងអំពើហិង្សា រវាងអ៊ីស្រាអែល និងប៉ាឡេស្ទីន
អង្គការសហប្រជាជាតិ៖ បេសកជនចិនប្រចាំអង្គការសហន្រជាជាតិ បានអំពាវនាវឱ្យសហគមន៍អន្តរជាតិចាត់វិធានការ ដើម្បីបញ្ចប់ជម្លោះ និងអំពើហិង្សារវាងអ៊ីស្រាអែល និងប៉ាឡេស្ទីន។
លោក Fu Cong តំណាងអចិន្ត្រៃយ៍ របស់ប្រទេសចិន ប្រចាំអង្គការសហប្រជាជាតិបានឧ្យដឹងថា ប្រទេសចិនមានការព្រួយបារម្ភយ៉ាងខ្លាំង អំពីការកើនឡើងនៃអំពើហិង្សាថ្មីៗនេះ នៅក្នុងទឹកដីប៉ាឡេស្ទីនដែលកាន់កាប់ ហើយមានការតក់ស្លុតយ៉ាងខ្លាំង ដោយសារការកើនឡើង នៃចំនួនជនស៊ីវិលដែលបណ្តាលមកពីអំពើហិង្សាដែលកំពុងបន្ត។
នៅក្នុងបរិបទនៃការកើនឡើងនៃតំបន់ សំណួរប៉ាឡេស្ទីនមិនត្រូវត្រូវបានមើលរំលង ឬដាក់ឱ្យនៅដាច់ដោយឡែកនោះទេ។ សហគមន៍អន្តរជាតិ គួរតែចាត់វិធានការយ៉ាងឆាប់រហ័សដើម្បីបញ្ចប់ជម្លោះ និងអំពើហិង្សា ជួយសង្គ្រោះជីវិតមនុស្សស្លូតត្រង់ និងរក្សាភាពយុត្តិធម៌ លោកបានប្រាប់កិច្ចប្រជុំក្រុមប្រឹក្សាសន្តិសុខអង្គការសហប្រជាជាតិស្តីពីស្ថានភាពនៅតំបន់ West Bank។
លោកបានលេីកឡេីងថា “អស់មួយរយៈពេលហើយ ស្ថានភាពនៅតំបន់ West Bank និងហ្គាហ្សា បានធ្លាក់ចុះយ៉ាងខ្លាំង ដែលនាំឱ្យមានការឈឺចាប់ និងទុក្ខវេទនាកាន់តែច្រើនដល់ប្រជាជនប៉ាឡេស្ទីន”។
នៅក្នុងខ្លឹមសាររបស់វា នេះគឺដោយសារតែការពិតដែលថា គោលការណ៍ជាមូលដ្ឋាននៃច្បាប់អន្តរជាតិ មិនត្រូវបានគោរព ខណៈពេលដែលសិទ្ធិរស់រានមានជីវិត និងការអភិវឌ្ឍរបស់ប្រជាជនប៉ាឡេស្ទីន ត្រូវបានគេមិនអើពើជាយូរមកហើយ។
ជីវិតរបស់ប្រជាជនប៉ាឡេស្ទីនមានតម្លៃដូចជីវិត របស់ប្រជាជនដទៃទៀតដែរ។ លោកបានមានប្រសាសន៍ថា សហគមន៍អន្តរជាតិ ត្រូវតែរក្សាការយល់ដឹងច្បាស់លាស់ អំពីអ្វីដែលត្រូវ និងអ្វីដែលខុស កសាងការឯកភាពគ្នាបន្ថែមទៀត កែតម្រូវពាក្យសម្ដី និងទង្វើខុសឆ្គងទាំងអស់ដែលបដិសេធ ឬរំលោភលើសិទ្ធិស្របច្បាប់របស់ប្រជាជនប៉ាឡេស្ទីនជាបន្ទាន់ និងធានាសិទ្ធិស្មើគ្នារបស់ពួកគេ ដើម្បីរក្សាបាននូវភាពយុត្តិធម៌ និងយុត្តិធម៌អន្តរជាតិប្រកបដោយប្រសិទ្ធភាព៕
ប្រែសម្រួល ឈូក បូរ៉ា
