សម្ព័ន្ធមិត្តជិតស្និទ្ធ របស់សហរដ្ឋអាមេរិក និងជាមហាអំណាចក្នុងតំបន់ សម្រេចផ្អាកប្រតិបត្តិការហិរញ្ញវត្ថុ និងសេដ្ឋកិច្ចទាំងអស់ ជាមួយអ៊ីរ៉ង់លើអ៊ីរ៉ង់ បន្ទាប់ពីការគំរាមកំហែងមីស៊ីលពីអ៊ីរ៉ង់
បរទេស៖ ការសម្រេចចិត្តរបស់អារ៉ាប់រួម ក្នុងការផ្អាកប្រតិបត្តិការហិរញ្ញវត្ថុ និងសេដ្ឋកិច្ចទាំងអស់ជាមួយអ៊ីរ៉ង់ រហូតដល់មានការជូនដំណឹងបន្ថែម ដោយលើកឡើងពីការកើនឡើង នៃយោធាដោយទីក្រុងតេអេរ៉ង់ ជាមួយនឹងការគំរាមកំហែងដោយមីស៊ីល បានផ្តោតការយកចិត្តទុកដាក់ឡើងវិញ លើទំនាក់ទំនងដ៏តានតឹង រវាងប្រទេសផលិតប្រេងដ៏សំខាន់នៅឈូងសមុទ្រអារ៉ាប់ និងអ៊ីរ៉ង់។
យោងតាមសារព័ត៌មាន រ៉យទ័រ ចេញផ្សាយនៅថ្ងៃទី២០ ខែសីហា ឆ្នាំ២០២៦ថា អារ៉ាប់រួម ដែលជាសម្ព័ន្ធមិត្តជិត ស្និទ្ធរបស់សហរដ្ឋអាមេរិក និងជាមហាអំណាចក្នុងតំបន់ គឺជារដ្ឋឈូងសមុទ្រ ដែលរងការវាយប្រហារយ៉ាងធ្ងន់ធ្ងរបំផុតដោយទីក្រុងតេអេរ៉ង់ក្នុងដំណាក់កាលដំបូងនៃសង្គ្រាមមជ្ឈិមបូព៌ា។ ទោះជាយ៉ាងណាក៏ដោយ ការវាយប្រហារចុងក្រោយដែលបានរាយការណ៍លើទឹកដីអារ៉ាប់រួមគឺការវាយប្រហារនៅថ្ងៃទី ៤ ខែឧសភា លើកំពង់ផែ Fujairah ដែលជាមជ្ឈមណ្ឌលនាំចេញប្រេងដ៏សំខាន់។
ការផ្លាស់ប្តូររបស់អារ៉ាប់រួម ដើម្បីកាត់ផ្តាច់ទំនាក់ទំនងពាណិជ្ជកម្ម បានកើតឡើងបន្ទាប់ពីក្រសួង ការពារជាតិរបស់អារ៉ាប់រួមបាននិយាយថា ខ្លួនបានរកឃើញមីស៊ីលផ្លោងពីរគ្រាប់ដែលបាញ់ចេញពីអ៊ីរ៉ង់ ដែលជាឧប្បត្តិហេតុមួយដែលជាលើកដំបូងក្នុងរយៈពេលប៉ុន្មានខែដែលប្រជាជនទទួលបានការជូនដំណឹងតាមទូរស័ព្ទអំពីការគំរាមកំហែងដែលអាចកើតមាន។
នៅក្នុងសេចក្តីថ្លែងការណ៍មួយ ក្រសួងបាននិយាយថា មីស៊ីលទាំងនោះបានកំណត់គោលដៅលើ “ចរាចរណ៍ផ្លូវសមុទ្រ” ដោយផ្អែកលើការវាយតម្លៃរបស់ខ្លួន។ មីស៊ីលទាំងពីរបានធ្លាក់ចូលទៅក្នុងសមុទ្រ ។
អារ៉ាប់រួមក៏បានផ្ញើការជូនដំណឹងតាមទូរស័ព្ទកាលពីថ្ងៃអង្គារទៅកាន់ប្រជាជនដោយបញ្ជាក់ថា ស្ថានភាពមានសុវត្ថិភាព ហើយប្រជាជនគួរតែបន្តសកម្មភាពធម្មតាឡើងវិញបន្ទាប់ពីការព្រមានពីមុន។
ក្រសួងការបរទេសអ៊ីរ៉ង់ បានបដិសេធសេចក្តីថ្លែងការណ៍ របស់ប្រទេសអារ៉ាប់រួមដែលថា មីស៊ីលរបស់ខ្លួនមានគោលដៅ លើចរាចរណ៍ផ្លូវសមុទ្រ ដោយពណ៌នាវាថា “គ្មានមូលដ្ឋាន”៕
ប្រែសម្រួលៈ ណៃ តុលា
