លោក Netanyahu គម្រាមអ៊ីរ៉ង់ មិនឲ្យគ្រប់គ្រង តំបន់ភ្នំរបស់ស៊ីរីឡើយ
បរទេស៖យោងតាមការចេញផ្សាយរបស់ RT នាយករដ្ឋមន្ត្រីលោក Benjamin Netanyahu បានអះអាងថា អ៊ីស្រាអែលគឺកំពុងធ្វើការយ៉ាងម៉ត់ចត់ ក្នុងការកម្ចាត់អ៊ីរ៉ង់ ក្នុងអំឡុងពេលទស្សនកិច្ច ទៅកាន់កងទ័ពអ៊ីស្រាអែល ដែលឈរជើងនៅលើភ្នំ Hermon ក្នុងទឹកដីស៊ីរី ដែល IDF ដណ្តើមបាននិង បន្ទាប់ពីការដួលរលំនៃរដ្ឋាភិបាល
លោក Bashar Assad ។
លោក Netanyahu បានធ្វើដំណើរទៅកាន់កិច្ចប្រជុំកំពូលយុទ្ធសាស្ត្រកាលពីថ្ងៃពុធ អមដោយរដ្ឋមន្ត្រីការពារជាតិអ៊ីស្រាអែលនិងអគ្គសេនាធិការរង IDF និងឧត្តមសេនីយផ្សេងទៀតផង ។
លោក Netanyahu បាននិយាយក្នុងវីដេអូដែលចេញផ្សាយដោយការិយាល័យរបស់លោកដោយអះអាងថាអ៊ីស្រាអែលឥឡូវនេះបានធ្វើការគ្រប់គ្រងទាំងស្រុងនូវអ្វីដែលមិនធ្លាប់ឃើញពីមុនមក
លើតំបន់ជុំវិញនោះថា៖ក្រុងដាម៉ាសគឺនៅទីនេះ លីបង់គឺនៅទីនោះ។
មេដឹកនាំរូបនេះបាននិយាយទៀតថាអ៊ីស្រាអែលនឹងមិនអនុញ្ញាតឱ្យអ្វីដែលគាត់ហៅថា កងទ័ពភេរវករ បង្កើតខ្លួនឯងនៅតាមព្រំដែនមុនពេលបង្វែរការកត់សម្គាល់របស់គាត់ទៅកាន់ទីក្រុងតេហរ៉ង់ឡើយ។
ជាការឆ្លើយតបប្រទេសស៊ីរីបានថ្កោលទោសដំណើរទស្សនកិច្ចរបស់លោក Netanyahu ថាជា ការធ្វើដំណើរដោយខុសច្បាប់ ចូលទៅក្នុងទឹកដីរបស់ខ្លួន។ ក្រសួងការបរទេសបានហៅការធ្វើដំណើរនេះថា
ជាការញុះញង់និងរំលោភបំពានយ៉ាងធ្ងន់ធ្ងរលើអធិបតេយ្យភាព បូរណភាពទឹកដី និងច្បាប់អន្តរជាតិរបស់ស៊ីរី ហើយបានជំរុញឱ្យអង្គការសហប្រជាជាតិ និងតួអង្គអន្តរជាតិផ្សេងទៀតដាក់សម្ពាធលើ
អ៊ីស្រាអែលឱ្យបញ្ចប់ការលុកលុយរបស់ខ្លួន៕
ប្រែសម្រួល៖ស៊ុនលី
