រយៈពេល ៨ខែ ឱនភាពថវិកាសហព័ន្ធ របស់រុស្ស៊ី កើនឡើងដល់ ៦៨ពាន់លានដុល្លារអាមេរិក
មូស្គូ៖ ក្រសួងហិរញ្ញវត្ថុរុស្ស៊ីបានឧ្យដឹងថា ឱនភាពថវិកាសហព័ន្ធរបស់រុស្ស៊ី បានឈានដល់ ៥.៧៩ទ្រីលានរូបល ប្រហែល ៦៨.៣២ពាន់លានដុល្លារអាមេរិក ស្មើនឹង ២.៥ភាគរយនៃផលិតផលក្នុងស្រុកសរុប ក្នុងរយៈពេល ៨ខែដំបូងនៃឆ្នាំនេះ ។
យោងតាមក្រសួង ការចំណាយថវិកាសហព័ន្ធមានចំនួនសរុប ៣១.៧២ទ្រីលានរូបល ក្នុងអំឡុងពេលខែមករា ដល់ខែសីហា កើនឡើង ១៤.៧ភាគរយធៀបនឹងឆ្នាំមុន។
ក្រសួងបានឧ្យដឹង នៅក្នុងសេចក្តី ប្រកាសព័ត៌មានមួយថា “ល្បឿនលឿនជាងមុននៃការអនុវត្តការ ចំណាយថវិកាសហព័ន្ធ ក្នុងខែមករា ដល់ខែសីហា ឆ្នាំ២០២៦ បានមកពីការបញ្ចប់កិច្ចសន្យា និងការផ្តល់ហិរញ្ញប្បទានជាមុន សម្រាប់ការចំណាយតាមកិច្ចសន្យាមួយចំនួន”។
ទន្ទឹមនឹងនេះ ការប៉ាន់ស្មានបឋមបានបង្ហាញថា ចំណូលថវិកាសហព័ន្ធមានចំនួនសរុប ២៥,៩៣ ទ្រីលានរូបលក្នុងអំឡុងពេលនេះ កើនឡើង ៩,២ ភាគរយពីរយៈពេលដូចគ្នាក្នុងឆ្នាំ ២០២៥។
ចំណូលមិនមែនប្រេង និងឧស្ម័ន បានឈានដល់ ២០,៩១ ទ្រីលានរូបល កើនឡើង ១៨,១ ភាគរយពីមួយឆ្នាំទៅមួយឆ្នាំ ខណៈដែលចំណូលប្រេង និងឧស្ម័ន បានធ្លាក់ចុះ ១៦,៧ ភាគរយមកនៅត្រឹម ៥,០២ ទ្រីលានរូបល៕
ប្រែសម្រួល ឈូក បូរ៉ា
