ការស្ទង់មតិរបស់ CGTN៖ ពីក្បួនច្បាប់ដល់សកម្មភាព អភិបាលកិច្ចសកលត្រូវការដំណោះស្រាយជាក់ស្តែងកាន់តែច្រើន
វេទិកាអភិបាលកិច្ចសកលឆ្នាំ២០២៦(Xiong’an) ដែលធ្វើឡើងក្រោមប្រធានបទ កសាងជំនឿចិត្តនិងកិច្ចសហប្រតិបត្តិការឡើងវិញ៖បម្រែបម្រួលនិម្មាបនកម្មដែលពុំធ្លាប់មានក្នុងរយៈពេល១០០ឆ្នាំ និងការធ្វើឱ្យអភិបាលកិច្ចសកលមានសុក្រឹតភាពតាមរយៈកំណែទម្រង់”បានអញ្ជើញតំណាងវិស័យនយោបាយ សិក្សាស្រាវជ្រាវ ពាណិជ្ជកម្ម ប្រព័ន្ធសារព័ត៌មាន និងយុវជនដែលមកពីប្រទេសជាង៩០ឱ្យធ្វើការសន្ទនាគ្នានិងផ្លាស់ប្តូរមតិយោបល់ ។ វាបានបញ្ចេញសញ្ញាដ៏ច្បាស់លាស់មួយថា៖ ការស្វែងរកគំនិតឯកភាពរួមក្នុងការខ្វែងគំនិតគ្នា និងការស្វែងរកដំណោះស្រាយដែលអាចធ្វើទៅបានក្នុងបញ្ហាដែលជាក្តីកង្វល់រួម គឺជាជំហានសំខាន់មួយក្នុងការឆ្ពោះទៅរកភាពប្រាកដប្រជានៃអភិបាលកិច្ចសកល។
នៅខែកញ្ញា ឆ្នាំ ២០២៥ ប្រទេសចិនបានលើកឡើងនូវគំនិតផ្តួចផ្តើមអភិបាលកិច្ចសកល ដោយបានសង្កត់ធ្ងន់លើសមភាពអធិបតេយ្យភាព នីតិរដ្ឋអន្តរជាតិ ពហុភាគីនិយម ការតម្កល់មនុស្សជាអាទិភាពចម្បង និងទិសដៅសកម្មភាព ។ ការស្ទង់មតិរបស់ CGTN បានបង្ហាញថា អ្នកផ្តល់បទសម្ភាសន៍ចំនួនលើសពី ៦០ភាគរយបានយល់ឃើញថា គំនិតផ្តួចផ្តើមនេះបានចង្អុលបង្ហាញទិសដៅសម្រាប់ប្រទេសនានាចូលរួមក្នុងអភិបាលកិច្ចសកល ។ ព្រមពេលជាមួយគ្នានេះ អ្នកផ្តល់បទសម្ភាសន៍នៅទូទាំងពិភពលោកបានកោតសរសើរជាទូទៅចំពោះតួនាទីរបស់ចិនក្នុងការគាំទ្រការអភិវឌ្ឍរបស់ប្រទេសសកលខាងត្បូង ជាពិសេសទទួលបានការទទួលស្គាល់ខ្ពស់លើវិស័យដូចជា ការកសាងហេដ្ឋារចនាសម្ព័ន្ធ និងការចែករំលែកបទពិសោធអភិវឌ្ឍន៍ ។
អត្ថន័យនៃវេទិកាអភិបាលកិច្ចសកលឆ្នាំ២០២៦(Xiong’an)គឺនៅត្រង់ថា វាបានបង្ហាញថា អភិបាលកិច្ចសកលដែលពិភពលោកត្រូវការនោះមិនមែនជាការនិយាយទទេអំពីរបបដែល
ប្រាសចាកការពិតនោះទេ ប៉ុន្តែជាយន្តការសហប្រតិបត្តិការដែលអាចឆ្លើយតបនឹងតម្រូវការរបស់ប្រទេសនានា អាចដោះស្រាយបញ្ហាជាក់ស្តែង និងធ្វើឱ្យប្រទេសកាន់តែច្រើនចូលរួមជាមួយគ្នា ៕
