ពិព័រណ៍ការងារ Career Fair 2022 ដែលរៀបចំឡើងដោយក្រុមហ៊ុនស្វែងរកបុគ្គលិកឈានមុខគេ ខេមបូចប (Cambo Job) ដែលមានរយៈពរល២ថ្ងៃត្រូវបានប្រព្រឹត្តទៅដោយរលូន។
CamboJob Career Fair 2022 ជាពិព័រណ៍ការងារដ៏ធំជាងគេនៅឆ្នាំ២០២២ដែលរៀបចំឡើងមានរយៈពេល២ថ្ងៃ គឺចាប់ពីថ្ងៃ២០-២១ ខែសីហា ឆ្នាំ២០២២ ដោយមានវត្តមានក្រុមហ៊ុនឯកជនល្បីៗជាង ១០០ ស្ថាប័នរង់ចាំសម្ភាសន៍អ្នកចូលរួម ដោយផ្ទាល់ និងជាឱកាសសម្រាប់សិស្ស និស្សិតដែលមិនទាន់បញ្ចប់ការសិក្សាបានស្វែងយល់ពីទីផ្សារការងារផងដែរ ។
ព្រឹត្តិការណ៍ដ៏ធំប្រចាំឆ្នាំនេះ ក្រុមហ៊ុន CamboJob បានអញ្ជើញវាគ្មិនល្បីៗមកចែករំលែកបទពិសោធន៍ផ្ទាល់ខ្លួនក្រោមប្រធានបទ”រៀនចប់ធ្វើអីគេ” ដែលធ្វើឡើងនៅថ្ងៃទី ២០ សីហា នាម៉ោង ២រសៀល និង“ការដណ្តើមការងារមនុស្សដោយមនុស្សយន្ត” ធ្វើឡើងនៅថ្ងៃទី ២១ សីហា នាម៉ោង ២រសៀល។
កាន់តែរីករាយ និងរំភើបជាងនេះទៅទៀតនោះ អ្នកចូលរួមដែលបានទទួលការសម្ភាសន៍ពីព្រឹត្តិការណ៍នេះ នឹងទទួលបានឱកាសបង្វិលកងផ្សងយករង្វាន់ពីកម្មវិធី ដូចជាដបទឹក កែវទឹកដ៏ស្រស់ស្អាត សំបុត្រកុន កាបូបស្ពាយ ស្ពីកឃើ smart watch និងរង្វាន់ធំទូរស័ព្ទដៃទំនើបជាច្រើនគ្រឿងទៀតផង។ បន្ថែមពីនេះទៅទៀត អ្នកដែលចូលចិត្តថតរូប គឺអាចរីករាយជាមួយកន្លែងថតរូបស្អាតៗជាច្រើន និងគ្រាន់តែថតរូប ហើយ Check-In នៅក្នុងពិព័រណ៍ការងារនឹងមានឱកាសចាប់យករង្វាន់ផងដែរ។
សូមជម្រាបថា ព្រឹត្តិការណ៍ដ៏ពិសេសនេះបង្កើតឡើងពិសេសសម្រាប់ សិស្ស និស្សិត និងបុគ្គលិកទាំងអស់ដើម្បីមានឱកាសស្វែងរកចំណេះដឹងថ្មីៗអំពីអាជីព ការងារ និងធ្វើបែបម៉េចទើបរីកចម្រើនទាំងក្នុងវិស័យការងារ។ ពិព័រណ៍ការងារនេះបើចូលរួមដោយសេរីនៅក្នុង ថ្ងៃ២០-២១ សីហា ២០២២នៅវិទ្យាស្ថានបច្ចេកវិទ្យាកម្ពុជា (តិចណូ) ៕
នេះជាសកម្មភាពខ្លះៗនាថ្ងៃចុងក្រោយ ពិព័រណ៍ការងារ Career Fair 2022!
