កីឡាករអាជីពជាតិ អន្តរជាតិ អ្នកចូលចិត្តជិះកង់ភ្នំ និងអ្នកទស្សនាប្រមាណជាង ៤០០នាក់ត្រៀមខ្លួន ចូលរួមព្រឹត្តិការណ៍ប្រណាំងកង់ភ្នំដ៏អស្ចារ្យ WURKZ MOUNTAIN BIKE SERIES 2022 ជុំទី ៣ ដែលនឹងត្រូវធ្វើឡើង នៅថ្ងៃទី ១៦ខែតុលា ឆ្នាំ២០២២ នៅជើងភ្នំគូលែនក្នុងទឹកដីនៃខេត្តសៀមរាប។
អ្នករៀបចំកម្មវិធី លោក Pierre Yves CATRY ឲ្យដឹងថា កម្មវិធី WURKZ MOUNTAIN BIKE SERIES 2022 នឹងមានការចូលរួមពីកីឡាករអាជីពជាតិ អន្តរជាតិ អ្នកចូលចិត្តជិះកង់ភ្នំ និងអ្នកគាំទ្រកីឡាករ សមាជិកគ្រួសារ និងមិត្តភក្ដិជាច្រើននាក់ប្រមាណជាង ៤០០ នាក់ ដែលនឹងជួយទាក់ទាញភ្ញៀវទេសចរ មកកាន់តំបន់ភ្នំគូលែន ព្រមទាំងផ្តល់អត្ថប្រយោជន៍យ៉ាងខ្លាំង ដល់ប្រជាជនរស់នៅក្នុងតំបន់។
នេះគឺជាលើកដំបូងដែលព្រឹត្តិការណ៍ប្រណាំងកង់ WURKZ MOUNTAIN BIKE SERIES 2022 ត្រូវបានធ្វើឡើងនៅទឹកដីខេត្តសៀមរាប។
ក្នុងនោះ កីឡាករជម្រើសជាតិ លោក ហួត លយរស្មី ដែលតែងតែចូលរួមកម្មវិធី WURKZ MOUNTAIN BIKE SERIES បានបង្ហាញក្តីរីករាយដែលជុំទី៣នៃព្រឹត្តិការណ៍ដ៍អស្ចារ្យនេះ ត្រូវធ្វើឡើងក្នុងទឹកដីនៃខេត្តសៀមរាប នៅលើទីលានដែលរូបលោកបានហ្វឹកហាត់ជាប្រចាំ និងរំពឹងថាទទួលបានលទ្ធផលល្អ។
មិនត្រឹមតែប៉ុណ្ណោះ អភិបាលស្រុកបន្ទាយស្រី និងប្រជាពលរដ្ឋរស់នៅ ក្នុងតំបន់បានសម្តែងការស្វាគមន៍ ចំពោះការមកដល់នៃព្រឹត្តិការណ៍នេះ និងបង្ហាញពីការត្រៀមលក្ខណៈ ចូលរួមទស្សនានេះផងដែរ។
ទស្សនាវីដេអូសម្ភាសន៍ទាំងស្រុង អំពីចំណាប់អារម្មណ៍របស់កីឡាករ អ្នករៀបចំកម្មវិធី អាជ្ញាធរ និងប្រពលរដ្ឋរស់នៅក្នុងតំបន់តាមរយៈតំណភ្ជាប់ខាងក្រោម។
គួរបញ្ជាក់ថា កម្មវិធី WURKZ MOUNTAIN BIKE SERIES 2022 បានរៀបចំចំនួន២ជុំរួចមកហើយ នៅខេត្តកំពង់ស្ពឺ និងខេត្តកំពត ដែលមានវិញ្ញាសារប្រកួតចំនួន១៤វិញ្ញាសារផ្សេងគ្នាទៅតាមកម្រិត និងជំនាញនៃអ្នកចូលរួមប្រណាំងនីមួយៗ។
ភេសជ្ជៈប៉ូវកម្លាំង វើក WURKZ បង្កើនថាមពលឥតឈប់ឈរ។
WURKZ MOUNTAIN BIKE SERIES ប្រណាំងពោរពេញដោយថាមពល។
