អូតាវ៉ា៖ កាណាដា មានករណីឆ្លងចំនួន ១៥៣.១២៥ ករណីដែលត្រូវបានបញ្ជាក់ថា បានឆ្លងជំងឺ COVID-១៩ គិតត្រឹមល្ងាចថ្ងៃអាទិត្យ រួមទាំងការស្លាប់រហូតដល់ ៩.២៦៨នាក់ ។
ខេត្តកេបិច របស់ប្រទេសនេះ បានរាយការណ៍ករណីថ្មីចំនួន ៨៩៦ ករណីកាលពីថ្ងៃអាទិត្យ ដែលកើនឡើងពី ៦៩៨ ករណីកាលពីថ្ងៃមុន ដែលជាការកើនឡើងខ្ពស់បំផុតចាប់តាំងពីថ្ងៃទី ៦ ខែឧសភា នៅពេលដែលមានករណីថ្មីចំនួន ១.០៣៦ ត្រូវបានរាយការណ៍។
ចំនួនសរុបនៃករណីវិជ្ជមានជំងឺកូវីដ -១៩ នៅកេបេក ចាប់តាំងពីការចាប់ផ្តើម រាតត្បាតមានចំនួន ៧១.៩០១ នាក់ និងមនុស្ស ៥.៨២៥ នាក់ បានស្លាប់ដោយសារជំងឺនេះ។
ខេត្ត Ontario បានបន្ថែម ៤៩១ ករណីទៀតនៅថ្ងៃអាទិត្យ ដែលកើនឡើងពី ៤៣៥ករណី កាលពីថ្ងៃសៅរ៍។ ក្រសួងសុខាភិបាល Ontario ក៏បានរាយការណ៍ថា មនុស្សសរុបចំនួន ១១២ នាក់ត្រូវបានបញ្ជូនទៅកាន់មន្ទីរពេទ្យ ហើយកាលពីថ្ងៃសៅរ៍ ខេត្តបានរាយការណ៍ថា មានមនុស្ស ១០០ នាក់នៅក្នុងមន្ទីរពេទ្យ៕ ដោយ៖ ឈូក បូរ៉ា
