Covid-19

សាច់ក្របីក្លាសេ្ស៣កុងតឺន័រ នាំចូលពីឥណ្ឌា​ មានផ្ទុកជំងឺកូវីដ១៩(Video)

ភ្នំពេញ ៖ ក្រុមមន្រ្តីជំនាញបានប្រកាសថា ក្នុងចំណោម៥កុងតឺន័រដែលផ្ទុកសាច់ក្របីក្លាស្សេ នាំចូលពីឥណ្ឌា ត្រូវបានក្រសួងសុខាភិបាលពិនិត្យរកឃើញផ្ទុកជំងឺកូវីដ១៩ចំនួន៣កុងតឺន័រ ។

យោងតាមលិខិតរបស់អគ្គនាយកបច្ចេកទេសសុខាភិបាល នៃក្រសួងសុខាភិបាលនាថ្ងៃ១៩ កក្កដា ហើយផ្សាយជាសាធារណនាថ្ងៃ២៧ កក្កដានេះ បានឲ្យដឹងថា “ក្នុងចំណោមសាច់ក្របីបង្កកចំនួន៥កុងតឺន័រ មាន៣កុងតឺន័រដែលមានលេខ៖MNBU9077964 , MNBU0153955 និងMNBU0064694 នាំចូលពីប្រទេសឥណ្ឌាដោយក្រុមហ៊ុនបូវីនីហ្វ៊ូដឯ.ក និងក្រុមហ៊ុន អើស្តារី អ៊ិនវេសម៉ិន & ខនស្ត្រាក់សិន ឯ.កមានលទ្ធផលSARS-Cov2 វិជ្ជមាន” ។

ចំពោះលិខិតរបស់អគ្គនាយកដ្ឋានគយ និងរដ្ឋាករកម្ពុជាវិញចេញនាថ្ងៃ២១ កក្កដា បានឲ្យដឹងដែរថា គណៈកម្មការចំពោះកិច្ចមានភារកិច្ចចាត់វិធានការកំទេចចោលសាច់បង្កក និងមុខទំនិញបង្កកផ្សេងទៀតដែលបានរកឃើញថា មានវិរុសកូវីដ១៩ ។

សូមបញ្ជាក់ថា ក្រោយការរកឃើញ សាច់ក្របីទាំងនោះមានផ្ទុះកូវីដ នឹងត្រូវនាំយកទៅដុតបំផ្លាញចោល នៅស្រុកឱរ៉ាល់ ខេត្តកំពង់ស្ពឺ ក្នុងរយៈពេល ២-៣ថ្ងៃខាងមុខ។

រាជរដ្ឋាភិបាលកម្ពុជាកម្ពុជាធ្លាប់បានអនុញ្ញាតឲ្យនាំចូលសាច់បង្កកពីឥណ្ឌាម្តងរួចមកហើយ ប៉ុន្តែតាមរយៈអគ្គនាយកដ្ឋានគយ និងរដ្ឋករកម្ពុជា បានផ្អាកការនាំចូលសាច់គោ និងទំនិញពីឥណ្ឌាចូលមកកម្ពុជា ក្រោយពីឥណ្ឌាផ្ទុះជំងឺកូវីដ-១៩ ខ្លាំង៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top