កូឡាឡាំពួរ៖ ម៉ាឡេស៊ីបានកត់ត្រាការឆ្លងជំងឺកូវីដ-១៩ ថ្មីចំនួន ២៥,០៩៩ករណី គិតត្រឹមពាក់កណ្តាលអធ្រាត្រថ្ងៃច័ន្ទ ដែលនាំឱ្យចំនួនសរុបកើនឡើងដល់ ៣,២៤៦,៧៧៩ករណី នេះបើយោងតាមក្រសួងសុខាភិបាល។
ករណីដែលបានរាយការណ៍ថ្មី គឺជាករណីនាំចូលចំនួន ៨៥ករណី និងការឆ្លងក្នុងស្រុកចំនួន ២៥,០១៤ករណី ដែលបានបង្ហាញទិន្នន័យដែលចេញផ្សាយនៅលើគេហទំព័ររបស់ក្រសួង នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
នៅក្នុងនោះដែរ ត្រឹមរយៈពេល ២៤ម៉ោង ម៉ាឡេស៊ីបានកត់ត្រាការស្លាប់ថ្មីចំនួន ៤៣ នាក់បន្ថែមទៀតពីជំងឺរាតត្បាតត្រូវបានរាយការណ៍ ដែលនាំឱ្យចំនួនអ្នកស្លាប់កើនឡើងដល់ ៣២,៣៩០នាក់។
ក្រសួងបានរាយការណ៍ពីការជាសះស្បើយថ្មីចំនួន ១៧,៧៤៩នាក់ ដែលនាំឱ្យចំនួនមនុស្សសរុបដែលបានជាសះស្បើយ និងបានចេញពីមន្ទីរពេទ្យមកចំនួន ២,៩៥៥,៤០៤នាក់នៅក្នុងប្រទេសអាស៊ីអាគ្នេយ៍មួយនេះ។
បច្ចុប្បន្ននេះប្រទេសម៉ាឡេស៊ី មានករណីសកម្មចំនួន ២៥៨,៩៨៥ករណី ដែលក្នុងនោះ ២៧២ នាក់ស្ថិតក្នុងការថែទាំដែលពឹងផ្អែកខ្លាំង ICU និង ១៦៤នាក់នៃពួកគេត្រូវការជំនួយការដកដង្ហើម។
ប្រទេសនេះបានគ្រប់គ្រងវ៉ាក់សាំងជំងឺកូវីដ-១៩ ចំនួន ១៣៧,៣០៧ ដូសកាលពីថ្ងៃចន្ទ ហើយ ៨១,៦ ភាគរយនៃចំនួនប្រជាជនបានទទួលយ៉ាងហោចណាស់មួយដូស និង ៧៨,៨ភាគរយត្រូវបានចាក់វ៉ាក់សាំងពេញលេញ និង ៤៣,១ ភាគរយបានទទួលកម្រិតថ្នាំជំរុញរបស់ពួកគេ៕
ដោយ ឈូក បូរ៉ា
