ក្នុងរយៈពេល១០ឆ្នាំកន្លងមកនេះ ទំហំសេដ្ឋកិច្ចសរុប នៃប្រទេសចិន បានឡើងដល់កម្រិតថ្មី ដែលការរួមចំណែក របស់ចិន ចំពោះកំណើនសេដ្ឋកិច្ច ពិភពលោក បានស្ថិតនៅលំដាប់ទី១ លើពិភពលោកទាំងមូល ការរួមគ្នាកសាង” ខ្សែក្រវាត់និងផ្លូវ” បានដំណើរ ការយ៉ាង ស៊ីជម្រៅនិងប្រាកដប្រជា។ សន្និសីទអំពីការងារ សេដ្ឋកិច្ចមជ្ឈិមចិន បានលើកឡើងថា ត្រូវជំរុញការបើកទូលាយ ចំពោះក្រៅប្រទេសប្រកប ដោយកម្រិតខ្ពស់ ក៏ដូចជាជំរុញ ការរួមគ្នាកសាង “ខ្សែក្រវាត់និងផ្លូវ” ប្រកបដោយគុណភាពខ្ពស់ផងដែរ ។
ឥស្សរជនអន្តរជាតិបានថ្លែងថា តាំងពីចូលឆ្នាំនេះមក ប្រឈមមុខ នឹងបញ្ហាជាច្រើន សេដ្ឋកិច្ចចិន បានបង្ហាញឱ្យឃើញ នូវភាពធន់ ដ៏ខ្លាំងក្លា និងសក្តានុពលដ៏ធំធេង ។ ប្រទេសចិន បានក្តាប់ជាប់និន្នាការទូទៅ យ៉ាងត្រឹមត្រូវ បានគ្រោងផែនការ អភិវឌ្ឍន៍ដោយទស្សនវិស័យ ស្តីពីការបើកទូលាយ សហប្រតិបត្តិការនិងឈ្នះ-ឈ្នះ ដែលនឹងបន្តផ្តល់ជំនឿចិត្ត និងកម្លាំងចលករ សម្រាប់ការងើបឡើងវិញ ប្រកបដោយស្ថិរភាព នៃសេដ្ឋកិច្ចពិភពលោក ។
លោកRobert Kuhnប្រធានមូលនិធិ Kuhn អាមេរិកបានថ្លែងថា ការលើកទឹកចិត្ត ឱ្យសេដ្ឋកិច្ចឯកជន និងសហគ្រាស ឯកជនរីកចម្រើន និងមានភាពខ្លាំងក្លាឡើង វាមានអំណោយផល ដល់ការជំរុញសេដ្ឋកិច្ចចិន ឱ្យកើនឡើងដោយល្បឿន កាន់តែលឿន ។ ការលើកកម្ពស់ជំនឿចិត្ត ក្នុងទីផ្សារវានឹងបំពេញបន្ថែម កម្លាំងចលករយ៉ាងខ្លាំងក្លា ដល់កំណើនសេដ្ឋកិច្ចចិន ។ ប្រទេសចិនដែលបាននិងកំពុង រីកចម្រើនប្រកបដោយស្ថិរភាព គឺជាតម្រូវការ នៃសេដ្ឋកិច្ចពិភពលោក នាពេលបច្ចុប្បន្ន ។
លោកStephen Perryប្រធានក្លឹបក្រុមហ៊ុន៤៨ នៃអង់គ្លេសបានថ្លែងថា ទោះបីជាបានប្រឈម នឹងបញ្ហាជាច្រើនក៏ដោយ ក៏ប៉ុន្តែប្រទេសចិន បានកែសម្រួលគោល នយោបាយយ៉ាងសកម្ម សេដ្ឋកិច្ចនៅតែបង្ហាញ ឱ្យឃើញនូវភាពធន់ ដ៏ល្អប្រសើរដដែល ។ បើនិយាយ ចំពោះចំណុះសេដ្ឋកិច្ច ដ៏ធំធេង របស់ចិន ការសម្រេចបាននូវកំណើន គឺមានន័យថាទំហំសេដ្ឋកិច្ចបានកើន ឡើងយ៉ាងខ្លាំង វាគឺជាកត្តា រួមចំណែកដ៏លេចធ្លោ សម្រាប់ជំរុញកំណើន សេដ្ឋកិច្ចសកល៕
