វ៉ាស៊ីនតោន៖ រដ្ឋមន្ត្រីបង្រួបបង្រួមទីក្រុងសេអ៊ូល បានលេីកឡេីងថាសហរដ្ឋអាមេរិកហាក់ដូចជា កំពុងពិនិត្យឡើងវិញនូវជម្រើសផ្សេងៗគ្នា សម្រាប់ជោគជ័យនៃការចរចា នុយក្លេអ៊ែរជាមួយកូរ៉េខាងជើង នេះបេីយោងតាមការចុះផ្សាយ របស់ទីភ្នាក់ងារសារព័ត៌មាន យុនហាប់។
លោក Kim Yeon-chul បានធ្វើការកត់សម្គាល់ទៅកាន់អ្នកសារព័ត៌មានបន្ទាប់ពីបាន ជួបជាមួយអ្នកតំណាងពិសេសរបស់សហរដ្ឋអាមេរិក សម្រាប់ប្រទេសកូរ៉េខាងជើងលោក Stephen Biegun នៅទីក្រុងវ៉ាស៊ីនតោន ប៉ុន្ដែលោកបានបដិសេធមិនបញ្ជាក់ពីព័ត៌មានលម្អិតនោះទេ។
ការចរចាអំពីការរំសាយ អាវុធនុយក្លេអ៊ែររវាងទីក្រុងវ៉ាស៊ីនតោន និងព្យុងយ៉ាង បានជាប់គាំងចាប់តាំងពី កិច្ចប្រជុំកំពូលលើកទី ២ ខែកុម្ភៈរវាងប្រធានាធិបតីសហរដ្ឋអាមេរិកលោក ដូណាល់ ត្រាំ និងមេដឹកនាំកូរ៉េខាងជើងលោក គីម ជុងអ៊ុន បានបញ្ចប់ដោយគ្មានកិច្ចព្រមព្រៀង៕
ដោយ ឈូក បូរ៉ា
