សេអ៊ូល៖ កតិកាសញ្ញាចែករំលែក ព័ត៌មានយោធារវាងជប៉ុន និងកូរ៉េខាងត្បូង នឹងផុតកំណត់នៅចុងថ្ងៃសុក្រនេះ ប្រសិនបើមិនបន្តជាថ្មីទេដោយប្រទេសទាំងពីរបង្ហាញសញ្ញាតិចតួច នៃការធ្វើឱ្យលេចចេញនូវភាពជោគជ័យមុនថ្ងៃកំណត់ នៃកិច្ចព្រមព្រៀងនេះ។
ទោះយ៉ាងណាប្រភព ដែលមានទំនាក់ទំនងល្អ នៅក្នុងទំនាក់ទំនងទ្វេភាគីបានបង្ហេីបឲ្យដឹងថា កិច្ចពិភាក្សារវាងភាគីទាំងពីរ នៅតែបន្តដើម្បីជួយដល់កតិកាសញ្ញានេះ។
ប្រទេសជប៉ុន បានជំរុញម្តងហើយម្តងទៀត ដល់ប្រទេសកូរ៉េខាងត្បូង ពិចារណាឡើងវិញនូវការ សម្រេចចិត្តរបស់ខ្លួនក្នុងការបញ្ចប់កិច្ចព្រមព្រៀង សន្តិសុខព័ត៌មានទូទៅ ដែលមានអាយុកាល ៣ ឆ្នាំដែលត្រូវបានគេស្គាល់ផងដែរថា GSOMIA ដែលផ្តោតសំខាន់ទៅលើការគំរាមកំហែងនុយក្លេអ៊ែរ និងមីស៊ីលរបស់កូរ៉េខាងជើង។
សហរដ្ឋអាមេរិក ក៏បានបង្ហាញការព្រួយបារម្ភ ចំពោះការចុះខ្សោយនៃកិច្ចសហប្រតិបត្តិការសន្តិសុខ ត្រីភាគីដែលពាក់ព័ន្ធនឹងសម្ព័ន្ធមិត្តទាំងពីររបស់ខ្លួនប្រសិនបើកិច្ចព្រមព្រៀង GSOMIA ត្រូវបានគេដកហូតនោះ៕
