សេអ៊ូល៖ រដ្ឋមន្រ្តីក្រសួងការពារជាតិលោក Jeong Kyeong-doo បានរិះគន់ប្រទេសកូរ៉េខាងជើង កាលពីថ្ងៃអង្គារចំពោះការបង្កើនភាពតានតឹងជាមួយនឹងការ បាញ់មីស៊ីលជាបន្តបន្ទាប់ ដោយនិយាយថាប្រទេសកុម្មុយនិស្តមួយនេះ ថែមទាំងបានរំលោភកិច្ចព្រមព្រៀងកាត់បន្ថយភាពតានតឹង ផ្នែកយោធាកាលពីឆ្នាំមុន ជាមួយនឹងការបាញ់កាំភ្លើងធំនៅតាមឆ្នេរសមុទ្រ នាពេលថ្មីៗនេះ។
រដ្ឋមន្ត្រីលោក Jeong Kyeong-doo បានឲ្យដឹងនៅក្នុងសុន្ទរកថារបស់លោកមុនពេលសិក្ខាសាលាមួយ ស្តីពីការការពារជាតិ និងសន្តិសុខទោះបីជាមានការខិតខំប្រឹងប្រែងចម្រុះរបស់រដ្ឋាភិបាលរបស់យើង សម្រាប់ទំនាក់ទំនងអន្តរកូរ៉េ សម្រាប់សន្តិភាព និងវិបុលភាពក៏ដោយ ក៏ប្រទេសកូរ៉េខាងជើង បានបង្កើនភាពតានតឹងផ្នែកយោធាដោយមីស៊ីល ផ្លោងបាញ់សាកល្បង។
លោកក៏បានចង្អុលបង្ហាញពី ការរំលោភរបស់ក្រុងព្យុងយ៉ាង ចំពោះកិច្ចព្រមព្រៀងយោធាអន្តរកូរ៉េ ដែលបានចុះហត្ថលេខាកាលពីខែកញ្ញា ឆ្នាំមុនដោយធ្វើសមយុទ្ធកាំភ្លើងធំ នៅលើកោះតូចៗនៅឆាំងរិន ក្នុងសមុទ្រលឿង កាលពីខែមុន៕
ដោយ ឈូក បូរ៉ា
