ព័ត៌មានអន្តរជាតិ

កូរ៉េខាងជើងថា អាមេរិកគ្មានអ្វីឱ្យខ្លួនឡើយ ទោះបីការចរចាបន្តទៅមុខ

បរទេស៖ ការលើកឡើងនេះកើតឡើង បន្ទាប់ពីមានសេចក្តីថ្លែងការណ៍ របស់ឯកអគ្គរដ្ឋទូតសហរដ្ឋអាមេរិក ប្រចាំអង្គការសហប្រជាជាតិលោក Kelly Craft នៅឯកិច្ចប្រជុំក្រុមប្រឹក្សា សន្តិសុខអង្គការសហប្រជាជាតិស្តីពី ការមិនរីកសាយអាវុធដែល រដ្ឋាភិបាលទីក្រុងវ៉ាស៊ីនតោន បានត្រៀមខ្លួនដើម្បីមានភាពបត់បែន នៅក្នុងកិច្ចពិភាក្សានុយក្លេអ៊ែរ ជាមួយរដ្ឋាភិបាលទីក្រុងព្យុងយ៉ាង។

យោងតាមសារព័ត៌មាន Sputnik ចេញផ្សាយនៅថ្ងៃទី១២ ខែធ្នូ ឆ្នាំ២០១៩ បានឱ្យដឹងថា ទីភ្នាក់ងារព័ត៌មានកណ្តាលកូរ៉េ (KCNA) បានរាយការណ៍ថា កូរ៉េខាងជើងនិយាយថា សហរដ្ឋអាមេរិក“ គ្មានអ្វីដែលផ្តល់ជូនយើងទេ ទោះបីការពិភាក្សាត្រូវបានបន្តក៏ដោយ” ។

ទីភ្នាក់ងារនេះក៏បានឱ្យដឹងផងដែរថា ប្រទេសកូរ៉េខាងជើងជឿជាក់ថា សហរដ្ឋអាមេរិកបានធ្វើរឿង ឆោតល្ងង់ដោយកោះហៅក្រុមប្រឹក្សា សន្តិសុខអង្គការសហប្រជាជាតិ ដោយបន្ថែមថា គ្មានអ្វីក្រៅពីឧបករណ៍នយោបាយ ដែលជាផលប្រយោជន៍ របស់អាមេរិកនោះទេ។

បើតាម KCNA គឺក្រុងព្យុងយ៉ាងបានត្រៀមខ្លួន ជាស្រេចដើម្បីឆ្លើយតបទៅ នឹងវិធានការដែលត្រូវគ្នាណាមួយ ដែលសហរដ្ឋអាមេរិកជ្រើសរើស ៕

ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top