ថៃ៖ មួយឆ្នាំក្រោយ ប្រតិបត្តិការ​ ជួយសង្រ្គោះក្មេង ១២នាក់ និងគ្រូបង្វឹក ពីក្នុងរូងភ្នំ អ្នកមុជទឹកម្នាក់ទៀត បានស្លាប់ ដោយសារឆ្លងមេរោគ

បរទេស៖ កងទ័ពជើងទឹកថៃ SEAL ដែលជាផ្នែកមួយ នៃការជួយសង្គ្រោះ យ៉ាងខ្លាំងដល់ក្មេងប្រុស ១២នាក់ និងគ្រូបង្វឹកបាល់ទាត់ របស់ពួកគេម្នាក់ ពីរូងភ្នំ ដែលលិចទឹក គឺបានស្លាប់ ដោយសារការឆ្លងមេរោគ ក្នុងឈាម ក្នុងកំឡុងពេល ប្រតិបត្តិការប្រថុយប្រថាន។

យោងតាមសារព័ត៌មាន Korean Times ចេញផ្សាយកាលពីថ្ងៃទី២៨ ខែធ្នូ ឆ្នាំ២០១៩ បានឱ្យដឹងថា មន្រ្តី Petty Officer 1st Class គឺលោក Bayroot Pakbara បានទទួលការព្យាបាល ប៉ុន្តែស្ថានភាពរបស់គាត់ កាន់តែអាក្រក់ទៅ ៗ បន្ទាប់ពីការឆ្លងមេរោគ បានរាលដាលទៅក្នុងឈាម។ នេះបើយោងតាមសេចក្តីប្រកាស នៅលើទំព័រហ្វេសប៊ុក របស់កងទ័ពជើងទឹកថៃ។

លោកគឺជាអ្នកមុជទឹកទីពីរ ដែលមកពីទ័ពជើងទឹកថៃ ដែលបានបាត់បង់ជីវិត នៅក្នុងប្រតិបត្តិការដ៏លេចធ្លោ ដែលបានឃើញក្មេងប្រុស និងគ្រូបង្វឹក បានស្រង់ចេញ ពីជម្រៅទឹកខាងក្នុងរូងភ្នំ ភាគខាងជើងប្រទេស ដែលពួកគេទាំងនោះ ត្រូវបានជាប់ក្នុងរូងភ្នំ អស់រយៈពេលពីរសប្តាហ៍ កាលពីខែមិថុនា ដល់ខែកក្កដាឆ្នាំមុន។

អ្នកស្លាប់ទី១ គឺមេបញ្ជាការរង លោក Saman Gunan បានទទួលមរណភាព ពេលកំពុងយកធុងអុកស៊ីសែន ចូលទៅក្នុងរូងភ្នំ នៅថ្ងៃទី៦ ខែកក្កដា ឆ្នាំ ២០១៨ ។

យោងតាមកាសែត Bangkok Post ប្រចាំថ្ងៃបានអោយដឹងថា ទីក្រុង Pakbara ត្រូវបានគេបញ្ចុះ នៅថ្ងៃសុក្រនៅឯវិហារ Talosai ស្ថិតនៅភាគខាងត្បូងខេត្ត Satun ។ ប្រព័ន្ធផ្សព្វផ្សាយ ក្នុងស្រុកបានដក ស្រង់សម្តីម្តាយរបស់គាត់ ដែលនិយាយថា កូនប្រុសរបស់គាត់ បានចូល និងចេញៗ មន្ទីរពេទ្យចាប់តាំងពី ការជួយសង្គ្រោះក្មេង ពីក្នុងរូងភ្នំមកម្លេះ៕
ប្រែសម្រួលៈ ណៃ តុលា