សេអ៊ូល៖ លោក Kim Gunn អនុរដ្ឋមន្រ្តីក្រសួងការបរទេសថ្មីរបស់កូរ៉េខាងត្បូង បានចេញដំណើរ ទៅសហរដ្ឋអាមេរិក នៅថ្ងៃព្រហស្បតិ៍ សម្រាប់កិច្ចប្រជុំលើកដំបូង របស់លោកជាមួយសមភាគីសហរដ្ឋអាមេរិក ចាប់តាំងពីលោកឡើង កាន់តំណែងកាលពីខែមុន។
លោក Kim Gunn ត្រូវបានគេរំពឹងថា នឹងជួបពិភាក្សាជាមួយលោក David Stilwell ឧបការីរដ្ឋមន្រ្តីក្រសួងការបរទេសសហរដ្ឋអាមេរិក សម្រាប់កិច្ចការអាស៊ីបូព៌ា និងប៉ាស៊ីហ្វិកនៅទីក្រុងវ៉ាស៊ីនតោន នៅថ្ងៃសុក្រនេះ (ម៉ោងក្នុងតំបន់) និងពិភាក្សាអំពីបញ្ហាផ្សេងៗគ្នា ដែលមានការយកចិត្តទុក ដាក់គ្នាទៅវិញទៅមក។
មន្ត្រីរូបនោះបានលេីកឡេីងថាលោក Kim Gunn ក៏អាចជួបជាមួយលោក Allison Hooker នាយកជាន់ខ្ពស់នៃក្រុមប្រឹក្សាសន្តិសុខជាតិសហរដ្ឋអាមេរិក ក៏ដូចជាអ្នកជំនាញមកពីក្រុមអ្នកជំនាញផ្សេងទៀត។
ទីក្រុងសេអ៊ូល និងវ៉ាស៊ីនតោន មានបញ្ហាទ្វេភាគីដែលមិនទាន់សម្រេចរួមទាំងការចរចា ដែលកំពុងបន្តលើការកំណត់ ចំណែករបស់ទីក្រុងសេអ៊ូលនៃការចំណាយ សម្រាប់ការឈរជើង កងទ័ពអាមេរិកនៅក្នុងប្រទេស៕
ដោយ ឈូក បូរ៉ា
