មីយ៉ាន់ម៉ា​ បដិសេធពីបទប្រល័យ ពូជសាសន៍ ​នៅរដ្ឋរ៉ាក់ឃីន​ ជម្រុញឱ្យតុលាការ អន្ដរជាតិ ឈានដល់ការ សម្រេចចិត្តត្រឹមត្រូវ

យ៉ាំងហ្គោន៖ រដ្ឋាភិបាលមីយ៉ាន់ម៉ា​ បានកត់សម្គាល់លើសេចក្តីសម្រេចរបស់តុលាការ យុត្តិធម៌អន្តរជាតិ (ICJ) ស្តីពីវិធានការបណ្តោះអាសន្នទាក់ទង នឹងបណ្តឹងរបស់ប្រទេសហ្គាំបៀ​ ដោយបដិសេធពីបទប្រល័យពូជសាសន៍​នៅរដ្ឋរ៉ាក់ឃីន​ ជម្រុញឱ្យតុលាការអន្ដរជាតិឈានដល់ការសម្រេចចិត្តត្រឹមត្រូវ

 សេចក្តីថ្លែងការណ៍របស់ក្រសួងបានឲ្យដឹងថា “ វាមានសារៈសំខាន់​ សម្រាប់ប្រទេសមីយ៉ាន់ម៉ា ដែលតុលាការឈានដល់ការសម្រេចចិត្ត ត្រឹមត្រូវលើអង្គហេតុនៃករណីនេះ”។ 

 ប្រទេស Gambia ក្នុងនាមអង្គការសហប្រតិបត្តិការអ៊ិស្លាម (OIC) បានដាក់ពាក្យសុំទៅ ICJ ប្រឆាំងនឹងប្រទេសមីយ៉ាន់ម៉ា​ ពីបទរំលោភលើអនុសញ្ញាឆ្នាំ ១៩៤៨ ស្តីពីការការពារ​ និងការដាក់ទណ្ឌកម្មលើឧក្រិដ្ឋកម្មប្រល័យពូជសាសន៍នៅក្នុងរដ្ឋរ៉ាក់ឃីន៕