ព័ត៌មានអន្តរជាតិ

អាមេរិក​ ដាក់ទណ្ឌកម្ម ប្រធានថាមពលអាតូមិកអ៊ីរ៉ង់ ពីបទបំពានច្បាប់នុយក្លេអ៊ែ

បរទេស៖ ក្រសួងរតនាគារសហរដ្ឋអាមេរិក នៅពេលថ្មីៗនេះ បានដាក់ទណ្ឌកម្មលើប្រធានថាមពលនុយក្លេអ៊ែ របស់ប្រទេសអ៊ីរ៉ង់ និងបានបញ្ជាឲ្យបង្កកទ្រព្យសម្បត្តិ របស់លោកដែលមានជាប់ ពាកព័ន្ធនឹងអាមេរិក ស្របពេលនៅតែមាន ភាពតានតឹងកំពុងតែប្រព្រឹត្តទៅ រវាងទីក្រុងវ៉ាស៊ីនតោន និងទីក្រុងតេអេរ៉ង់។

តាមសេចក្តីរាយការណ៍ ក្រសួងរតនាគារសហរដ្ឋអាមេរិក បាននិយាយនៅថ្ងៃព្រហស្បតិ៍សប្ដាហ៍នេះថា បានដាក់ទណ្ឌកម្ម លើលោក Ali Akbar Salehi ជាប្រធានអង្គការថាមពលអាតូមិក របស់ប្រទេសអ៊ីរ៉ង់ ដោយប្រាប់ថា ទីភ្នាក់ងារនេះ បានដើរតួនាទីដ៏សំខាន់មួយ ក្នុងទីក្រុងតេអេរ៉ង់ បំពានបទបញ្ញត្តិស្តីពីនុយក្លេអ៊ែ។

លោក Brian Hook ជាតំណាងពិសេសសហរដ្ឋអាមេរិក ប្រចាំនៅប្រទេសអ៊ីរ៉ង់ បាននិយាយប្រាប់អ្នកសារព័ត៌មានថា អង្គការថាមពលអាតូមិក របស់ប្រទេសអ៊ីរ៉ង់ បានបំពានដែនកំណត់លើចំនួន ស្តុកធាតុអ៊ុយរ៉ានីញ៉ូម និងកម្រិតនៃការចម្រាញ់សារធាតុនេះ ៕

ប្រែសម្រួល៖ ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×